Мошенник, автозапчастьләр сатарга вәгъдә итеп, Яңа Чишмә кешесенең 20 мең сум акчасын урлаган

Узган атнада эчке эшләр бүлегенең кизү тору часте тарафыннан 28 хәбәр теркәлгән, 2 җинаять эше кузгатылган.

Сәламәтлеккә зыян китерү

2022 елның 1 мартында кичке сәгать 4ләр тирәсендә Волчья Бистәсендә яшәүче исерек хәлдәге гр. Л. Яр буе урамында урнашкан йортларның берсендә гр. Н. белән әрләшә һәм соңгысы йодрыгы белән кимендә 8 тапкыр аның битенә суккан һәм аякларына типкән.

Нәтиҗәдә гр.Н. төрле тән җәрәхәтләре алган – кабыргасы сынган, битенә кан сауган. Аның сәламәтлегенә уртача авырлыктагы зыян китерелгән.

Мошенниклык

2021 елның 2 декабрендә билгесез зат, билгеләнмәгән урында, гр. Т. белән телефон аша сөйләшкәндә аңа автозапчастьләр сатарга вәгъдә иткән һәм гр.Т. картага 20 мең сум күчергән һәм шуннан соң мошенник элемтәгә чыкмаган.