10 айда җан башына 11,9 литр алкоголь сатылган

Район үзәгендә алкогольле продукция 13 сәүдә объеты тарафыннан, шул исәптән «Татспиртпром» АҖ челтәренең бер кибетендә һәм 12 коммерция оешмасында ваклап сатыла.

Авыл җирлекләрендә  ваклап сату белән 28 сәүдә объекты мәшгуль, болар: «Татспиртпром» АҖнең 13, «Яр Чаллы сәүдә базасы» ҖЧҖнең (Татпотребсоюз) 2 объекты һәм 13 коммерция оешмасы.

2022 елның гыйнвар-октябрь айларында алар  14,3 мең дал күләмендә алкогольле продукция саткан (2021 елның шул ук чорында - 12,2 мең дал), үзган ел дәрәҗәсенә карата үсеш -  17 %. Шулай ук Татпотребсоюз предприятиеләре тарафыннан 0,4 мең дал сатылган (2021 елда - 0,2 мең дал.) Фирма челтәре буенча - 2,6 мең дал (2021 елда - 1,5 мең дал), сату 79 %ка арткан. Коммерция кибетләре тарафыннан - 11,3 мең дал сатылган (узган елда - 10,6 мең дал), сату 7 %ка арткан.

Читтән кертелгән алкогольне сату күләме - 14 %ка арткан, читтән кайтарылган аракыны сату 4 %ка кимегән. Татарстан Республикасында җитештерелгән алкоголь һәм аракыны сату 18 % һәм 15 %ка арткан.

Җан башына 11,9 литр сатылган (узган ел дәрәҗәсенә карата - 121%).

Этил спирты, алкогольле продукция җитештерүне, аның әйләнешен һәм сыйфатын дәүләт контролендә тотуны тәэмин итү һәм кулланучылар хокукларын яклау буенча Татарстан Республикасы дәүләт инспекциясе.

Чистай территориаль органы

8-(84342)-5-49-85