2020 елда традицион кәгазь хезмәт кенәгәләренә алмашка электрон китаплар киләчәк. Аңлатуны сорап

- Кем өчен электрон китаплар мәҗбүри булачак һәм алардан баш тартырга мөмкинме?
- Барлык эшләүче гражданнар өчен электрон хезмәт кенәгәләренә күчү ирекле булып тора һәм бары тик гражданин ризалыгы белән генә гамәлгә ашырылачак.
2021 елда беренче тапкыр эшкә урнашучылар гына искәрмә булачак. Мондый кешеләрнең эш чорлары турындагы барлык мәгълүматлары электрон рәвештә кәгазь хезмәт кенәгәсен рәсмиләштермичә генә алып барылачак.
Әгәр хезмәткәр үзенең кәгазь хезмәт кенәгәсен саклап калырга тели икән, аңа 2020 ел азагына кадәр эш бирүчегә язмача гариза бирергә кирәк, бу очракта 2021 елдан кәгазь хезмәт кенәгәсен электрон китап белән бер үк вакытта алып баруларын дәвам итәчәкләр.
Шунысын да билгеләп үтәргә кирәк, электрон хезмәт кенәгәсе кәгазь хезмәт кенәгәсендә исәпкә алына торган мәгълүматларның бөтен исемлеген диярлек саклап кала: эш урыны һәм чоры, вазифасы, квалификациясе, кабул итү һәм эштән азат итү даталары, хезмәт килешүен туктату нигезләре.
- Электрон хезмәт кенәгәсендәге мәгълүматларны кайда карарга була?
- Электрон хезмәт кенәгәсе белән Россия Пенсия фонды сайтында яки дәүләт хезмәтләре порталында шәхси кабинетта танышырга мөмкин булачак. Моннан тыш, хезмәткәр эш бирүчедән соңгы эш урыны буенча (әлеге эш бирүченең эш чорында), КФҮ яки ПФР органнарында бастырылган һәм расланган мәгълүматларны алырга хокуклы.
Шулай ук эшкә кергәндә гражданин ЕПГУ сайтының Шәхси кабинетыннан электрон хезмәт кенәгәсеннән өземтәне эш бирүче адресына электрон имза белән җибәрә ала.
- Эш бирүчеләргә нәрсәгә әзерләнергә кирәк? Аларны нинди үзгәрешләр көтә?
-Алар өчен хисаплылыкның яңа формасы кертелә. 2020 елның 1 гыйнварыннан иминләштерелгән затларның хезмәт эшчәнлеге турындагы мәгълүматларны Россия Пенсия фондына хисап аеннан соң килүче айның 15 нче числосыннан да соңга калмыйча тапшырырга кирәк булачак, ә 2021 елның 1 гыйнварыннан эшкә кабул итү яки эштән азат ителү очракларында эш бирүче оешма тарафыннан пенсия фондына эшкә алу яки эштән азат ителү датасыннан бер эш көненнән дә соңга калмыйча тапшырылырга тиеш.
Мәгълүматларны тапшыру срокларын бозган яки тулы булмаган яки дөрес булмаган мәгълүматларны биргән өчен хезмәт инспекциясе хезмәткәрләре йөкләгән административ җаваплылык билгеләнә.