«Аҗаган» яшүсмерләр клубы хезмәткәрләре балалар белән «Күбрәк белү - куркынычны киметә» дигән темага әңгәмә үткәргәннәр

Балалардан юл хәрәкәтенең нинди кагыйдәләрен белүләре белән кызыксынганнар һәм светофор, зебра, җәяүле утравы турында искә төшереп, аларның ни өчен кирәк булуларын кабатлаганнар. Балалар җәяүлеләр өчен транспорт чарасының тормоз юлы нинди куркыныч тудыруы һәм велосипедта, роликларда, скейтта, мопедта ничек дөрес һәм куркынычсыз йөрү кирәклеге турында белгәннәр.  Аларга юл хәрәкәтендә катнашучыларның һәркайсы, шул исәптән велосипедчылар һәм җәяүлеләр дә, юл йөрү кагыйдәләрен белергә һәм тайпылышсыз үтәргә тиеш, дип аңлатканнар. Соңыннан һәр балага юл хәрәкәте кагыйдәләре турында белешмәлекләр таратылган.