Чертуш авылы мәдәният йортында «Без бит авыл кызлары» дип исемләнгән ял итү кичәсе оештырылган

Авыл хатын-кызы иртә таңнан алып, кичкә кадәр хезмәттә. Аның тынгысыз йөрәге барысына да өлгерә: гаиләсен дә карый, тәмле итеп ашарга да пешерә, йортта, бакчада да эшли. Чара бик күңелле үткән: анда килгән хатын-кызларның өлгерлеген сынаганнар: алар кадак та какканнар, такта да кискәннәр, матур итеп көзге яфраклардан натюрморт та ясаганнар. Сания  Хәлиуллина, Миңсылу Мостафиналар матур җырларын бүләк иткәннәр. Кичәдә «Көзге натюрморт» онлайн - конкурсында алдынгы урын яулаган Галия Хәлиуллинаны, шул ук конкурста беренче урынны алган Гөлназ Ибраһимованы да бүләкләгәннәр.

Бәйрәм ахырында тәмле чәй табыны артында матур теләкләр, җырлар яңгыраган.