Чик буе сакчылары көнендә Олег Соловьев гаиләсе турында сөйлибез

Олег һәм Наталья Соловьевлар гаиләсе 19 ел бергә гомер итә.

Гаилә башлыгы Олег 1996-1998 елларда Ерак Көнчыгышта чик буе гаскәрләрендә 9783 номерлы хәрби частьтә хезмәт иткән.

Заставада хезмәт иткән, нарядларга йөргән, уң яктагы фланг - алты километр, сул яктагысы - унике километр булган. Хәрби бурычын намус белән үтәгәне өчен сержант званиесенә ия булган.

Илебез чикләрендә - Хабаровск һәм Кытай тирәләрендә хезмәт иткән.

Чик буе гаскәрләре бүген дә Россия дәүләтенең ышанычлы яклаучылары, Ватаныбызның иминлеге һәм аның чикләренең бөтенлеге гарантиясе булып тора.

Хәзергесе вакытта Олег Тверь шәһәрендә төзүче булып эшли, хатыны Наталья - 20 елдан артык Яңа Чишмә Интернат-йортында пешекче булып хезмәт куя, ә улы Дмитрий В. П. Лушников исемендәге Казан нефть химиясе колледжында икенче курста белем ала.

Олегның олы абыйсы Александр да чик буе гаскәрләрендә хезмәт иткән һәм бәлки улы Дмитрий да Соловьевлар гаиләсе чик сакчылары династиясенең дәвамчысы булыр, чөнки яшьләр алдагы буын вәкилләреннән иң яхшысын гына ала.