Дәүләт автоинспекторлары балаларга юл хәрәкәте кагыйдәләрен искәрткәннәр

28 февральдә Акбуре мәктәбендә Россия ЭЭМнең Яңа Чишмә районы буенча Дәүләт автоинспекциясе бүлеге начальнигы, полиция инспекторы Алексей Кадымов һәм Чирмешән районында «ЮХИ» ДБУның профилактика бүлеге начальнигы Алина Филиппова белән очрашу узган. 

Алина Филиппова юл хәрәкәте кагыйдәләре турында профилактик әңгәмә үткәргән. Ул укучыларга, укытучыларга тематик белешмәлекләр һәм яктылыкны кире кайтаручы элементлар тапшырган. Шулай ук яктылык кайтаручы элементларны куллану мөһимлеген искәрткән.

«Балачакның имин юлы» ЮИД отряды «Кояшкай» балалар бакчасында тәрбияләнүчеләр белән бергә «Аю маҗаралары» дигән тамаша күрсәткән. Очрашу ахырында Алина Филлипова балаларга юлларда игътибарлы һәм сак булуларын теләгән.