Эшләүче пенсионерларның пенсияләре артты
1 августтан эшләүче пенсионерларның пенсияләре арта. Өстәмә күләме эшләүченең хезмәт хакына бәйле.
Пенсияне яңадан исәпләү Яңа Чишмә районында якынча 780 пенсионерга кагыла.
Традицион индексациядән аермалы буларак, августтагы яңадан исәпләү пенсионерның хезмәт хакы күләменә бәйле: ул никадәр югарырак булса, пенсиягә өстәмәләр дә шулкадәр күбрәк. Яңадан исәпләү нәтиҗәсендә максималь арту өч пенсия коэффициенты белән чикләнә. Бер коэффициентның бәясе 123,77 сум.
Димәк, максималь өстәмә 371 сум тәшкил итә. Безнең район буенча уртача өстәмә 240 сум тәшкил итәчәк.
Пенсияне яңадан исәпләү өчен гариза язарга кирәкми — аны автомат рәвештә билгелиләр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев