Эшне үзеңнән башларга кирәктер

2022 елда җирле хакимият эше турында җирлек башлыгы Юрий Улитин хисап тотты.

Узган елдагы гыйнвар җыенында халык Матрос урамында КККын чыгарырга килгән машина урынын - мәйданчыкны һәм шул урамдагы юлга

вак таш салу, Үзәк урамнан канализация чокырын күчерү мәсьәләләрен күтәрде.

Безнең белешмә

Халык саны - 346, даими яшәүчеләр - 297

Эшкә яраклы халык - 174 (шуларның 39ы - авыл хуҗалыгында, 34е - бюджет хезмәткәрләре, халыкның ¼ өлеше районнан читтә эшли)

18 яшькә кадәрге балалар - 83

Студентлар - 17

Пенсионерлар - 79

Эшсезләр - 15

1 бала туган

3 кеше үлгән,

Туйлар - 0

Авыл җирлеге бюджеты 4 млн. 767 мең 900 сум тәшкил иткән, шуның 4 млн.99 мең 874 сумы - җир салымы (үтәлеш - 199,9%). Калган салымнар да планны арттырып үтәлгән.

Җыелган 525 мең сум үзара салым акчалары (субсидия белән) кышкы һәм җәйге юлларны чистартуга, урам утларын һәм су белән тәэмин итүне ремонтлауга, Матрос урамына 62 метр вак таш түшәүгә, чишмәдә 2 янгын гидранты һәм ЗСО сатып алуга һәм урнаштыруга тотылган. 2023 елда Матросс урамына таш салу дәвам итәчәк. Бүгенге көндә үзара салым 25 % җыелган.

2022 елда ТКХга су өчен түләү 112 % тәшкил иткән, түләмәүче - бер кеше.

Башлык юлларның торышын яхшырту, урамнарны яктырту, су белән тәэмин итү системасы, янгын куркынычсызлыгы, авылны төзекләндерү турында җентекләбрәк сөйләде. Хатын-кызлар советы, җәмәгатьчелек советы, балалар бакчасы, китапханә, почта бүлекчәсе, кибет эше белән таныштырды, эш буенча халыктан шикаятьләр һәм кисәтүләр булмавын билгеләп үтте. Балалар бакчасы кирәкле технологик җиһазлар белән тәэмин ителгән, әмма ул савыт-саба, махсус кием һәм физкультура җиһазлары белән тулыландыруга мохтаҗ.

Авыл зур булмаса да, ШЯХларын үстерүчеләр бар.

Безнең белешмә

Хуҗалык - 130

МЭТ - 76 баш

8 хуҗалыкта 32 сыер (бер хуҗалыкта 13 баш)

Дуңгызлар - 78

Сарыклар һәм кәҗәләр - 83

Атлар - 3

Халык пай өчен 87 тонна ашлык (522 мең сумлык), ветеринария хезмәтләренә, сыерларга, кәҗәләргә һәм атларга - 125700 (2021 елдан 2 тапкырга күбрәк) субсидияләр алган. Печән 228 тонна әзерләнгән. 17 сыер ясалма орлыкландырылган. Барлык каналлар буенча 820 ц сөт сатылган (2021 ел белән чагыштырганда 34 ц-га күбрәк), бер сыерга - 25,6 ц. Иң яхшы сөт тапшыручылар: Александра Репина, Валентин Остолопов, Анатолий Муханов.

ШЯХлардан 6 млн. 203 мең 510 сум керем алынган: сөт сатудан - 2 млн 334 мең сумнан артык, иттән - 3 млн. 659 мең сум, башка продукциядән - 210 мең сум. ШЯХларга инвестицияләр күләме 6 млн. 705 мең сум тәшкил иткән (төзелеш һәм реконструкция, транспорт, җиһаз, терлек, хозинвентарь сатып алу), шуларның 4 млн. 600 мең сумы - транспорт сатып алу.

Ләкин 2022 елда торак, эш урыннары һәм мини-фермалар булдырылмаган.

2023 елга бурычлар элеккечә: бюджет керемнәрен арттыру, үзара салым акчаларын үзләштерү, терлекләрнең баш санын саклау һәм үстерү, төзекләндерү, яшелләндерү һ. б.

Район башлыгы Вячеслав Козлов авыл мәдәният йортын яхшы эшләре өчен мактады. Инициативалы һәм яшь директор Ольга Добрынина ярдәмендә авыл тормышының бу ягы җайга салынган. Директор бер ел эчендә башкарылган эшләр турында сөйләде. Ольга Добрынина Вячеслав Козловка музыкаль җиһазлар алуда ярдәм итүне сорап мөрәҗәгать итте.

- Безгә клубта зал искиткеч, яхшы акустика, эчке бизәлеше дә шәп, дип әйтәләр. Менә шул гына. Әмма шуннан кала мактанырлык башка нәрсә юк бит, - дип зарланды ул.

ФАП медигы Надежда Долгова сәламәтлекне саклау буенча эшләр, полициянең участок уполномоченные телефон һәм Интернет мошенниклары турында кисәтеп криминаль хәл хакында сөйләде.

Җирлек халкы Юрий Улитинга һәм аеруча Вячеслав Козловка бик күп сораулар бирде.

Алар чүп машинасының Бакча урамыннан чүп чыгармавына зарлана, чөнки анда юл начар. Юрий Улитин мондый фактлар турында аңа шунда ук хәбәр итүләрен әйтте. Бакча урамы юлындагы плотина аша күперне ремонтлау кирәк, югыйсә анда урнашкан йортлар янына янгын сүндерү, ашыгыч ярдәм машиналары, сөт җыючы да керә алмаячак. Пай җирләрен арендалау бәяләре турында да күп сөйләштеләр. Хәтта пайчыларның мини-җыелышы килеп чыкты, бәхеткә, авыл пайчылары һәм авыл хуҗалыгы оешмалары җитәкчелеге исеменнән вәкилләр дә җыенда бар иде.

Авылда туып-үскән Виктор Калмыков Вячеслав Козловтан фермер булырга теләгән кешегә эшне ничек башларга кирәклеген аңлатуны сорады. Ул, барыннан да элек, район авыл хуҗалыгы идарәсенә мөрәҗәгать итәргә кирәк, анда барысын да аңлатып, кәгазь эшләрен төзергә дә булышачаклар, дип җавап бирде. «Кем гаилә фермасы төзергә тели, заявка бирегез. Без һәрьяклап ярдәм итәргә әзер», - диде район башлыгы.

Ел саен җыеннарда ике катлы йорт янындагы канализация чокыры хакында сүз кузгатыла. Хәзер ТКХ МУП заявка буенча һәр ике атна саен чокырдагы суны чыгара, әмма йортта яшәүчеләргә һәр килгән очрак өчен шактый гына акча чыгарырга кирәк. Чокырны  яр буена якынрак күчерергә тәкъдим иттеләр, ләкин башкалар, ул вакытта пычраклар елгага китәчәк, дип каршы төште.

Мәктәптә беркайчан да капиталь ремонт булмаган, гәрчә уку һәм тәрбия процессы анда яхшы куелган булса да, мәктәп директоры Екатерина Глушкова үз мәгълүматларында шуны раслады. Мәктәптә барлыгы 42 укучы һәм 9 укытучы бар. Мәктәпне республика капиталь ремонт программасына кертү турындагы үтенечне аның элеккеге директоры, ә хәзер пенсионер Николай Темников та кабатлады, ул хәзер авыл тарихы буенча актив төстә материаллар җыя. Ул кызыклы тарихи факт турында сөйләде: 112 ел Волчья Бистәсе Яңа Чишмәдән соң иң күп санлы авыл булган - биредә 4400дән артык кеше яшәгән. Чыгыш ясаучы авылдашларын авылның тарихи мирасын - борынгы биналарны сакларга, аеруча аның «йөзе» булган үзәк өлешендә тәртип һәм чисталыкны сакларга өндәде. Халыкны, барыннан да элек, тәртипне үзләреннән башларга чакырды: «Күбрәк өмәләр үткәрергә, ә ваемсызларны - йорт тирәләрен төзекләндерергә күндерергә кирәк», - диде.

Узган ел Волчья Бистәсендә, ниһаять, юл чатыннан балалар бакчасына кадәр асфальт юл ясалган, авыл үзәгендә Дан Аллеясы төзелгән. Халыкка горурланырлык нәрсәләр бар: авылда туып-үскән, Советлар Союзы Герое Борис Чекиннан тыш, бу исемгә тагын ике якташыбыз, Бөек Ватан сугышында катнашучылар тәкъдим ителгән.

Җыенга Вячеслав Козлов йомгак ясады. Ул грант конкурсларында күбрәк катнашырга, терлекләрнең баш санын арттырырга, сөтне күбрәк тапшырырга кирәклеге турында сөйләде. «Сездә балалар бакчасына йөрүчеләр нибары 60 процент кына», - дип тәнкыйтьләде ул.

Аның, җирлек хакимиятенең эшен канәгатьләнерлек дип танырга, дигән тәкъдимен җыенда катнашучылар бертавыштан хуплады.

Традиция буенча, ахырдан бүләкләү тантанасы булды. Вячеслав Козлов «М.И. Козлова» КФХ механизаторы Михаил Кряжовка (рәсемдә) район башлыгының Рәхмәт хатын тапшырды. ШЯХ хуҗасы Анатолий Муханов Юрий Улитиннан авыл җирлеге башкарма комитетының Рәхмәт хатын алды.