Гаилә — ул кеше тормышында төп байлык

Һәр кеше бәхетле булырга, яратып һәм яратылып яшәргә омтыла!

Иванаево авылыннан Алексей Сергеевич һәм Наталья Николаевна Сударкиннар 30 ел элек гаилә корганнар. Ике бала —кыз һәм ул тәрбияләп үстергәннәр, ике оныклары бар инде.

Наталья Николаевна 30 ел буе башлангыч сыйныфлар укытучысы булып эшли. Районның һәм мәгариф министрлыгының Мактау грамоталары белән бүләкләнгән.

Алексей исә "Шешма-Ойл"да шофер булып эшләгән, хәзер лаеклы ялда.

Сударкиннар гаиләсе бик тырыш һәм позитив гаилә. Авылдашлары да аларны хөрмәт итә.