Һәр Яңа Чишмә кешесе Яңа ел хәйрия акцияләрендә катнаша ала

20-30 декабрьдә «Теләкләр чыршысы» акциясе узачак. Балаларның теләкләре язылган чыршы хакимият бинасының 1 катындагы фойега урнаштырылачак һәм теләге булган һәркем баланың яңа ел теләген үти ала. «Шатлык кәрзине» акциясе кысаларында эре сәүдә нокталарында тартмалар әзерләнәчәк, анда теләгән һәркем Яңа Чишмә районының аз керемле балалары өчен тәм-томнар -күчтәнәчләр куя ала.
Район волонтерлары СВО зонасында булган сугышчыларыбызның балалары өчен яңа ел бүләкләре (уенчыклар, китаплар, өстәл уеннары һәм тәм-томнар) җыюны игълан иттеләр. Һәркем бүләк алып килә һәм боксларга куя ала, алар бассейн бинасында - «Аҗаган» яшүсмерләр клубында, хакимият бинасында (411 каб. - яшьләр эшләре, спорт һәм туризм бүлеге) һәм «РЕАЛ» кибетендә урнаштырылган.
Моннан тыш, 20 декабрьдән 8 гыйнварга кадәр «Һәр йортка Яңа ел», «Һәр ишегалдына Яңа ел», «#Яңа ел тәрәзәләре» акцияләре оештырылачак һәм социаль челтәрләрдә #яңа ел хештегы астында яңа ел темасына гаилә фотосын урнаштырып, Яңа елның ни өчен тылсымлы бәйрәм булганын язарга кирәк.