Яңа Чишмә РМЙ хезмәткәрләре спорт чарасы үткәргәннәр

Командаларга йөгерү, сикерү, туп, кегли, обруч белән эстафеталар тәкъдим ителгән, анда алар үзләренең җитезлекләрен һәм спорт күнекмәләрен күрсәткәннәр. Бәйрәмдә балалар төрле конкурсларда актив катнашканнар. Алар тизлектә, җитезлектә, командада эшли белүдә көч сынашканнар. Үз командасы өчен җиңүгә ирешү теләге балаларда зур булган. Барысы да финишка беренче булып килү өчен бар көчләрен куйганнар.

«Күңелле стартлар»да катнашып, балалар үзләрен зур бердәм спорт гаиләсе итеп тойганнар. Бәйрәм мавыктыргыч һәм күңелле булган һәм катнашучыларга бик күп уңай эмоцияләр бүләк иткән.

Спорт бәйрәме балаларны берләштергән, беркемне дә битараф калдырмаган.