Яңа Чишмә түрәләренә керемнәр турындагы мәгълүматларны ничек хәбәр итәргә кирәклеген аңлатканнар

Бу хакта семинарда район башлыгының коррупциягә каршы тору мәсьәләләре буенча ярдәмчесе Ирина Лобачева искәрткән.

Ирина Игоревна семинарда катнашучыларның игътибарын 2023 елгы белешмәдәге мәгълүматларга кагылышлы кайбер мөһим моментларга юнәлткән.

Хезмәткәрләр үз керемнәрен 1 гыйнвардан ук декларацияли ала. Белешмәне тапшыруның соңгы көне — 30 апрель.

Махсус хәрби операция вакытында махсус кагыйдәләр гамәлдә. ДНР, ЛНР, Запорожье һәм Херсон өлкәләренә командировкага җибәрелгән кешеләр, хәтта вазыйфалары буенча элек моны эшләргә тиеш булсалар да, керемнәре, чыгымнары, милек һәм мөлкәти характердагы йөкләмәләре турында мәгълүмат бирергә тиеш түгел. Бу кагыйдә 2022 елның 24 февраленнән гамәлдә.

Мобилизация буенча хәрби хезмәткә чакырылган яки хәрби хезмәтне үтү турында контракт төзегән кешеләр дә мондый мәгълүматларны бирми.
Ә менә отпуск, декрет яки больничный хезмәткәрне керемнәре турындагы белешмәне тапшыру бурычыннан азат итми.

Ирина Лобачева аңлатканча, белешмәләрне тутыру өчен банклардан, брокерлардан, иминият компанияләреннән һәм башка финанс оешмаларыннан мәгълүматларны һәрвакыт бердәм форма буенча сорарга кирәк. Әгәр дә муниципаль хезмәткәр милек сатудан керем алган икән, аңа белешмәдә һәр объект буенча аерым күрсәткечләрне тәкъдим итәргә кирәк. Дәүләт тарафыннан төрле ярдәм чаралары буенча алган түләүләрне дә декларацияләргә туры киләчәк.

Яңа Чишмә районы башлыгының коррупциягә каршы тору мәсьәләләре буенча ярдәмчесе Ирина Лобачева
Тел.: 89172870300