Карактан кала, уттан калмый

Безнең районда аның ничек үтүе һәм тулаем райондагы хәлләр турында Яңа Чишмә һәм Чирмешән районнары буенча МОНД һәм ПР өлкән инспекторы Илнур Госсаметдиновтан сөйләвен үтендек. 
- Районда хәлләр түбәндәгечә: 2018 елның гыйнварыннан хәзергесе көнгә кадәр Яңа Чишмә муниципаль районында 9 янгын теркәлгән. Бәхеткә, янгыннарда кеше үлеменә һәм тән җәрәхәтләре алуга юл куелмады.
Янгын сәбәпләре: өч очракта - мичне урнаштыру һәм эксплуатацияләү кагыйдәләрен бозу; биш очракта - электр җиһазларын урнаштыру һәм эксплуатацияләү кагыйдәләрен бозу; бер очракта – яшен сугу нәтиҗәсендә. Узган 2017 ел белән чагыштырганда, хәлләр торышы яхшырак: ул чакта 14 янгын булган һәм, кызганычка каршы, бер кеше төрле дәрәҗәдәге тән җәрәхәтләре алган.
- Әлеге акция нәрсәгә багышланган иде?
- Безнең районда “Куркынычсызлык ае " янгын нәтиҗәсендә балаларның җәрәхәтләнүен һәм үлүен профилактикалауга багышланган иде. Дәүләт янгын күзәтчелеге инспекторы Андрей Шишлов белән берлектә әлеге айлык кысаларында без мәктәп укучылары һәм балалар бакчаларында тәрбияләнүчеләр арасында Тормыш иминлеге нигезләре буенча аңлату һәм профилактик эшне активлаштырдык. Шулай ук Яңа ел һәм раштуа чаралары үткәрү объектларында һәм урыннарында янгын-профилактика тикшерүләре үткәрәбез. Балаларга янгын вакытында куркынычсызлык кагыйдәләре турында сөйләп, без, беренче чиратта, аларга янгыннарның ни сәбәпле килеп чыгуын һәм аны булдырмау кагыйдәләрен аңлатабыз. 
- Балалар белән профилактик чаралар нинди формада уза?
- Безнең очрашулар - балалар белән әңгәмәләр төрлечә уза. Сабыйлар белән алар сорауларга җаваплардан башлана: «Бу значок нәрсәне аңлата?», «Ә сезнең фуражкагыз нинди?» һ.б. Аларның сорауларына җитди җавап бирәбез. Аннары аларга нинди максат белән килүебез турында сөйлибез, аннан соң аларга сораулар бирәбез. Укучылар белән җиңелрәк, алар безгә күнеккән инде, без, мәсәлән, янгын чыгу сәбәпләрен атыйбыз, алар игътибар белән тыңлыйлар.
Йортта янгын башланса, кешенең гамәлләре турында балалар актив фикер алышалар. Уртак көч белән без төп кагыйдәләрне билгелибез:
 1. Әгәр ут кечкенә булса, аңа тыгыз тукыма яки одеял каплагыз, яки су салыгыз.
 2. Әгәр ут шунда ук сүнмәсә, кичекмәстән өйдән куркынычсыз урынга китегез. Шуннан соң гына 101, 112 телефоннары буенча янгын сагына шалтыратыгыз яки күршеләргә әйтегез.
 3. Әгәр ут чыгу юлын урап алган икән, йортның иң ерак өлешенә китәргә, барлык ишекләрне тыгызлап ябып, чүпрәк белән капларга кирәк. Шуннан соң янгын сагына шалтыратырга һәм диспетчерга төгәл адрес, фатир номеры һәм йортның кайсы өлешендә булуың турында хәбәр итәргә кирәк. 
 4. Янгын чыккан вакытта төтен уттан күпкә куркынычрак. Янгын вакытында күпчелек кешеләр төтеннән үлә. Әгәр шуны тоясың икән, тиз арада чыгу юлына барырга тырышыгыз – астарак төтен азрак. Шулай ук сулыш алу органнарын дымлы чүпрәк яки яулык белән капларга кирәк.
Укучылар ГТХМ белгечләре белән ачык дәресләргә җитди карыйлар, тормыштагы кызыклы вакыйгалары белән уртаклашалар.
- Айлык ахырында сезнең куркынычсызлык дәресләре тәмамланмыймы?
- Юк, мәгариф объектларында чаралар Россия ГТХМ системасында куркынычсызлык мәдәнияте елы кысаларында дәвам итә. Шулай ук Яңа ел һәм Раштуа бәйрәмнәрен үткәрү объектларында һәм урыннарында янгын-профилактика тикшерүләре дәвам итәчәк.   

Әңгәмәне Лариса 
ФЕДОРОВА алып барды.