Күчерелмәле яктылык чыганаклары юлларда травматизм очракларын кисәтәчәк

2019 елның 12 аенда республика юлларында җәяүлеләр катнашында 1427 юл-транспорт һәлакәте теркәлгән, аларда 130 кеше һәлак булган һәм 1343 кеше төрле җәрәхәтләр алган.
Торак пунктлардан читтә тәүлекнең караңгы вакытында яктылык кайтаручы элементлары булмаган җәяүлеләр катнашында 75 юл-транспорт һәлакәтендә 45 кеше булган, 31е имгәнгән.
"Җәяүлеләр травматизмын кисәтү максатыннан һәм Татарстан Республикасы Министрлар Кабинетының 2019 елның 18 декабрендәге бердәм утырышы карарын үтәү йөзеннән, ПДС нарядлары 5 марттан юлларда (төнлә) җәяүлеләр тарафыннан күчерелмәле фонарьлар куллану буенча аңлату эшләре алып бара башлады.
Безнең районда бу, барыннан да элек, Ленино, Акъяр, Әдәмсә, Яңа Чишмә авылларында яшәүчеләргә кагыла, чөнки алар аша автомобиль юллары уза.
Төп игътибар икенче сменада белем алучы һәм тәүлекнең караңгы вакытында үзләре генә өйгә кайтучы балигъ булмаганнарга бирелә", - ди Яңа Чишмә Эчке эшләр бүлегенең ЮХИДИ начальнигы Евгений Михайлов.
Шулай ук хәбәр ителгәнчә, күчереп йөртә торган яктылык чыганакларын «Юл хәрәкәте иминлеге» ДБУ территориаль идарәләренә аларны алга таба Татарстан Республикасы буенча Эчке эшләр министрлыгының Дәүләт автоинспекциясе бүлекчәләренә уртак чаралар үткәрү өчен тапшырачаклар.