Легаль булмаган алкоголь продукциясе алынган

автор, 11 апрель 2018 - 05:41

552

Россия ЭЭМ ның Яңа Чишмә район бүлегеннән ТР Дәүләт алкоголь инспекциясенең Чистай ТБ га легаль булмаган алкоголь продукциясе ташу факты буенча тикшерү материалы кергән.

Полиция хезмәткәрләре район үзәгендә Ленин урамында Яңа Чишмә районы кешесенең җиңел автомашинасын караганда салонда этикеткасы һәм келәймәсе булмаган, составында этил спирты билгеләре булган үтә күренмәле сыеклык белән 5 литрлы савыт табып ала. Әлеге продукция алына.

Шофер бу хәлне, алып кайтырга уңайлы булсын өчен 10 шешә аракыны бер савытка салдым, дип аңлата.

Хәзергесе вакытта Дәүләт алкоголь инспекциясе белгечләре тарафыннан әлеге факт буенча административ тикшерү бара.