Ленино мәдәният йортында «Кышын кошларга җим бирегез» акциясе үткән

Кошларга ничек тә булса ярдәм итү өчен, балалар җимлекләр әзерләп, аларны төрле ярмалар һәм орлыклар белән тутырганнар.

Балалар безнең төбәктә кышлаган каурыйлылар, аларның тормышыннан кызыклы фактлар, кышкы чорда кошларның яшәү үзенчәлекләре турында күп мәгълүмат белгәннәр.

Акциянең максаты - балаларны һәм аларның ата-аналарының игътибарын кошларны тукландыру проблемасына җәлеп итү, туган як кошларына карата дустанә мөнәсәбәт формалаштыру.