Ленино мәктәбендә - яңа ашханә

Капиталь ремонт барышында биредә үзгәртеп планлаштыру булган, стеналарны, түшәмне бизәгәннәр, яңа ишекләр куйганнар, электрүткәргечләр, сантехника һәм суүткәргечләр алыштырылган.
Биредә ризык әзерләү өчен яңа җиһазлар урнаштырылган.
Капиталь ремонт «Мәктәп ашханәләренең азык-төлек блокларын ремонтлау» республика программасы буенча башкарылган, ремонтка 5 млн. сумнан артык акча сарыф ителгән.
Азык-төлек блогын ачу тантанасында район башлыгы Вячеслав Козлов катнашты. Ул республика программалары ярдәмендә районда байтак эшләр башкарылуын билгеләп үтте, мәктәп коллективын әлеге мөһим вакыйга белән котлады, биредә сыйфатлы һәм тәмле ризык әзерләнүен теләде.
Мәктәп директоры Владимир Валасеев ремонт эшләрен башкару мөмкинлеге өчен республика һәм район җитәкчелегенә рәхмәт белдерде, «Блокстрой» ҖЧҖ төзүчеләренең сыйфатлы эшен билгеләп үтте һәм җитәкче Евгений Клюевка истәлекле бүләк тапшырды.