Мошенник хатын-кыз Яңа Чишмәдә яшәүче берәүнең 240 мең сум акчасын урлаган

Банк счетыннан урлау

Яңа Чишмәдә яшәүче гр-ка К. 2021 елның 10 февраленнән алып 18енә чаклы аңлы рәвештә эш итеп, акча урлау максатыннан, гр. М.ның (шулай ук район үзәгендә яшәүче) банк счетыннан 239500 сум акча урлаган.

2020 елның 8 октябрендә Яңа Чишмәдә яшәүче гр. Б. аңлы рәвештә эш итеп,  гр. К.га 95 мең сумлык кредит рәсмиләштергән һәм әлеге сумманы гр.К.ның банк счетыннан урлаган.

Исерек килеш руль артында

ЮХИДИ хезмәткәрләре ЮХКен бозган өчен 41 машина йөртүчене адм.җаваплылыкка тарткан, шул исәптән бер шоферны исерек килеш руль артына утырганы өчен. Бу - Красный Октябрь поселогында яшәүче гр. С. Ул 30 мең сум күләмендә штраф түләячәк һәм, ким дигәндә, 1,5 елга машина йөртү хокукыннан мәхрүм ителәчәк.