Пенсиягә чыгу яше якынлашканда

 - Россия Федерациясе Пенсия фондында шәхси счетларның торышы турында белүнең иң уңайлы һәм тиз ысулы- «Гражданинның шәхси кабинетында» РПФ сайтында - www.pfrf.ru - карарга яки дәүләт һәм муниципаль хезмәтләрнең бердәм порталында - www.gosuslugi.ru. Анда сез үз пенсия хокукларыгызны күзәтеп тора һәм, әгәр ни дә булса җитмәсә, үзгәрешләр кертә аласыз. Махсус сезнең өчен бу мәсьәләне җентекләп карадылар.
- Ни өчен кайбер гражданнарның РПФ сайтында яки дәүләт хезмәтләре порталында хезмәт эшчәнлеге турындагы мәгълүматлар бары тик 2002 елдан соң гына күрсәтелә? Бу нәрсә белән бәйле?
 - Беренче чиратта, бу 2002 елдан башлап Россиядә иминләштерелгән затларның хокукларын персонификацияләнгән исәпкә алу системасы гамәлдә булу белән бәйле, гади генә әйткәндә, нәкъ менә шушы чордан башлап гражданның хезмәт эшчәнлеге турындагы мәгълүматлар махсус базага кертелә һәм аның РПФ да шәхси лицевой счетында теркәлә башлаган. Стаж турында мәгълүматлардан тыш, шәхси исәптә эш бирүче тарафыннан гражданинның булачак пенсиясенә түләнгән иминият взнослары суммасы да теркәлә. Системада граждан идентификаторы булып индивидуаль шәхси счетның иминият номеры — СНИЛС тора.
 - Шәхси кабинетта мәгълүматлар җитми икән, нишләргә?
- Сезнең эш чорлары турында өстәмә мәгълүматлар кертү өчен Россия Пенсия фондының территориаль органына мөрәҗәгать итәргә һәм хезмәт эшчәнлеге фактын раслаучы документларны тапшырырга кирәк. Мондый документларны сез элеккеге эш бирүчедән ирекле формада гариза бирү юлы белән ала аласыз, анда җавап җибәрү өчен адресны һәм телефон номерын күрсәтергә кирәк.
-  Нинди документлар китерә алам?
- Эш чоры хезмәт кенәгәсе белән раслана. Әгәр ул юк икән, яки анда дөрес түгел, бернинди яки тулы булмаган мәгълүматлар бар икән, моны раслау өчен түбәндәгеләр кабул ителә:
 * язма хезмәт килешүләре;
 * эш бирүчеләр яки тиешле дәүләт (муниципаль) органнары тарафыннан бирелә торган белешмәләр;
* боерыклардан өземтә;
* шәхси счетлар һәм хезмәт хакы бирүгә ведомостьлар.
-  Элеккеге эш бирүче миңа мондый документларны бирергә тиешме?
 - Әйе, закон буенча гариза бирелгән көннән 30 эш көненнән дә соңга калмыйча эш бирүче сезгә эш белән бәйле документларның күчермәләрен бирергә тиеш (эшкә кабул итү турында боерык, башка эшкә күчерү турында приказ күчермәләрен, эштән азат итү турында боерык күчермәләрен; хезмәт кенәгәсеннән өземтәләрне; хезмәт хакы, мәҗбүри пенсия иминиятенә исәпләнгән һәм фактта түләнгән иминият взносларын, әлеге эш бирүчедә эшләү чоры турында белешмә һ.б.). Эш белән бәйле документларның күчермәләре тиешле рәвештә кертелергә һәм хезмәткәргә бушлай бирелергә тиеш.
- Элек эшләгән оешмалар күбесе юк. Бу очракта нишләргә?
- Бу очракта хезмәт эшчәнлеге чорлары турындагы мәгълүматларны торгызу өчен сезгә ябылган эш бирүченең документлары саклана торган архив оешмаларына мөрәҗәгать итәргә кирәк.
- Нинди нюанслар мөһим?
- Эш, башка эшчәнлек чорларын, башка чорларны раслаучы документларда аны бирү номеры һәм датасы, иминләштерелгән затның фамилиясе, исеме, атасының исеме, аның туган елы, ае, числосы, эш урыны, эш вакыты (башка эшчәнлек чоры, башка чор), һөнәре (вазыйфасы), аларны бирү нигезләре (боерыклар, шәхси счетлар һәм башка документлар) булырга тиеш. Стаж исәпләгәндә исәпкә алына торган хезмәт кенәгәсендәге язмалар хезмәт кенәгәсенә кертелгән көнгә гамәлдә булган хезмәт законнары нигезендә рәсмиләштерелергә тиеш.