Раштуа бәйрәме белән!

Бәйрәм алдыннан муниципаль район башлыгы Вячеслав Козлов һәм район башкарма комитеты җитәкчесе Ринат Фәсахов православие динендәге барлык яңачишмәлеләрне бәйрәм белән котлыйлар.

Котлауда, бу христианнар өчен һәрчак нинди дә булса могҗиза өмет итү, яңарыш бәйрәме, улкүңел тынычлыгы табуга омтылыш белән сугарылып, киләчәккә ышаныч һәм өметләр уята, дип билгеләп үтелә. Бу көн төрле уеннар, фольклор святкалары, сочельник, коляда, юраулар, күңел ачулар белән үрелеп үтә. Балалар да йорт саен йөреп котлау сүзләре ирештерәләр, кешеләр туганнарын, якыннарын искә алалар, сәдака тараталар, ялгыз һәм авыру кешеләргә ярдәм итәләр.

Котлауда һәр гаиләдә тынычлык хөкем сөрсен, Раштуаның якты нурлары күңелләрегезне әле бик озак җылытып торсын, ныксәламәтлек, иминлек сезгә, дип билгеләп үтелә.