Район делегациясе мөселманнар съездында
Болгар шәһәрчегендә 21 июльдә узган “Изге Болгар җыены“ дип аталган мөселманнар съездында район башлыгы Вячеслав Козлов җитәкчелегендә безнең район делегациясе дә катнашты.
Әлеге изге урында җыелучыларның барысын да Татарстан Президенты Рөстәм Миңнеханов җылы котлап, барысына да исәнлек, иминлек һәм киләчәктә исламны бергәләп үстерергә дигән теләген белдергән.
Татарстанның баш казые Җәлил хәзрәт Фазлыев җыелучылар алдында вәгазь сөйләп, үгет-нәсихәт сүзләрен җиткергән. “Изге Болгар җыены“нда катнашучылар өйлә намазын укыган. Коллектив гыйбадәт кылуны мөфти Камил хәзрәт Сәмигуллин төгәлләгән.
Районыбыз имам-мөхтәсибе Илгиз хәзрәт Әшрапов әлеге сәфәрне оештырган өчен район җитәкчелегенә рәхмәт белдергән.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев