Рус Чабаксарында өлкәннәрне хөрмәтләгәннәр

Өлкәннәр ункөнлеге 1 октябрьдән 10на кадәр дәвам итә, бу көннәрдә барысы да традицион рәвештә өлкән яшьтәге кешеләрне хөрмәтлиләр - кайгыртучанлык, хөрмәт, игътибарны  башка көннәрдәгедән дә артыграк күрсәтелә.  Шул исәптән Рус Чабаксарында да өлкәннәрне хөрмәтләгәннәр. Бу хакта клуб мөдире Альбина Гуслярова хәбәр итә.

«Җирле авыл клубына авылның өлкән яшьтәге кешеләрен чакырдык, алар арасында 85 яшьлеген билгеләп үтүче юбиляр - Парамонов Александр Николаевич та бар иде.

Олы яшьтәге кешеләргә аларның хезмәтләре, тәҗрибәсе һәм авыл эшләрендә ярдәмнәре өчен бик күп рәхмәт сүзләре җиткерелде. 

Чабаксар АҖ башлыгы Марина Гурьянова барысын да өлкәннәр ункөнлеге, юбилярны - юбилее белән котлады һәм аңа истәлекле бүләк тапшырды.

Бәйрәм чәй табыны артында дәвам итте. Юбиляр Александр Николаевич гармунда уйнады, гармун көенә кушылып, җырлар башкарылды. Чара күңелле үтте».