Табигатьтә учак ягу зур янгынга әйләнергә мөмкин

Хәзер (махсус янгынга каршы режимнан тыш) Россия гадәттән тыш хәлләр министрлыгының 2016 елның 26 гыйнварындагы 26 номерлы боерыгы таләпләре гамәлдә, аның нигезендә, махсус җиһазландырылган урыннарда гына учак кабызырга мөмкин: бу металл савытлар куелган (мичкә, бак яки мангал) мәйданчык яки 0,3 метрдан ким булмаган тирәнлектә һәм 1 метрдан да ким булмаган диаметрдагы чокыр булырга тиеш.
Учак урыны якындагы бинадан кимендә 50 м ераклыкта һәм ылыслы агачлардан (яшь куаклыклардан) 100 метр ераклыкта булырга тиеш. Шул ук вакытта якындагы территория 10 метр радиуста коры-сары агачлардан һәм коры үләннән, ауган агачлардан, башка ягулык материалларыннан чистартылырга тиеш.
Шашлык әзерләгәндә, бакча участокларында шашлыкны 5 метрга, ә чистарту зонасын 2 метрга кадәр киметергә рөхсәт ителә.