Тиздән СВО өчен маскировка челтәрләре билгеләнгән урыннарга озатылачак

Әлеге эшне клуб мөдире Татьяна Леонтьева оештырган. Анда «Фантазерлар» балалар клуб оешмасында шөгыльләнүчеләр һәм авылның битараф булмаган кешеләре катнашкан. 

Бу СВО зонасында булган хәрбиләргә ярдәм итү теләге белән эшләнә. Авылдашлар — хатын-кызлар, әниләр һәм апалар авыл клубында шундый инициатива белән җыелганнар, алар авылның горурлыгы, активистлары. Эштә һәм өй эшләре белән мәшгуль булуларына да карамастан, алар Ватанны саклаучылар өчен маскировка челтәрен үреп бетергәннәр. Әниләр солдатларга кулларының һәм күңелләренең җылысын тапшыралар. Сугышчылар өчен маскировка челтәре ул — бронежилет, дошманнарны алдый, аларның ориентирларын бутый, позицияләрне яшерергә ярдәм итә торган ысул, бомбадан саклану урыны да. Безнең хатын-кызлар сугышчыларыбызны һәм үзләренең улларын пулялардан сакларга телиләр. Хәрбиләребез исән-сау әйләнеп кайтсын, илебезнең күк йөзе тыныч булсын иде. 

Татьяна Анатольевна чарада катнашучыларның барысына да зур һәм катлаулы эштә ярдәм иткәннәре өчен рәхмәт белдергән.