Тырыш хезмәт үрләр яулый

Айгөл шәһәрдә туган һәм Яр Чаллыда әти-әнисе белән 13 яшенә кадәр яшәгән, әмма ул үзенең бала чагын әти-әнисенең туган ягы - Тубылгы Тау авылы белән тыгыз бәйләнгән, дип саный.  Гаиләнең авылга күченүе турындагы хәбәрне кыз уңай кабул иткән: хыялың бар икән, аны авыл мәктәбендә дә тормышка ашырырга мөмкин. Ленино урта мәктәбен Айгөл бишлегә тәмамлый.  Бу вакытта ул инде нәрсә теләгәнен яхшы белгән. Ул әйләнә-тирә дөньяны матуррак итәргә теләгән. Мәскәү дәүләт мәдәният һәм сәнгать университеты дипломын алгач (социаль-мәдәни эшчәнлек факультетын тәмамлаган), Яр Чаллы балалар бакчасында тәрбияче булып эшләгәндә, үз эшен сыйфатлы һәм профессиональ рәвештә башкарып, тиздән педагог буларак югары квалификация категориясенә ия була.

Айгөлнең авылга кире кайтуы күңелсезлек белән бәйле булган: сәбәбе -әтиләре Юнир Кәримовны югалту. Якыннары белән югалту ачысын кичерер өчен, ул үз гаиләсе янында булырга теләгән. 

Айгөл Юнир кызы 2010 елның 1 октябреннән авыл мәдәният йортында директор вазыйфасында эшли башлый.

1964 елда төзелгән Мәдәният йорты бинасы капиталь ремонттан соң канәгатьләнерлек хәлдә була, яңа директорны матди-техник базаның торышы гына борчыган.

 «Ак калфак» халык җырларын башкаручылар коллективының (клуб бинасының яшьтәше) ни өчен эшләүдән туктавы да аңлашыла.  Шуңа күрә ансамбльне торгызу, кирәкле музыкаль инструментлар, микрофоннар сатып алу минем беренче бурычым булды, әлбәттә инде, артистларны яңа милли костюмнарга да киендерәсе килгән иде», - дип сөйли Айгөл.

Бу максатларга ирешү өчен еш кына үз осталыгың гына җитми. Матди, финанс кебек өстәмә ресурслар да кирәк. Аларны табу - аерым талант таләп итә. Ә Айгөл Вафина шундый талантка ия. Бу югары сүзләр әлеге язмада тагын да расланыр. Әлегә аның барысы да барып чыкканын билгеләп үтәм.  Костюмнарны, авылдашларының сандыкларыннан тукымалар җыеп, үзләре теккәннәр. Аккомпаниатор Рәисә Хәлилованың тальян гармунына кушылып, үз сәхнәләрендә генә түгел, безнең һәм Чистай районнарының татар авылларында да чыгыш ясадылар. Һәркайда заллар тамашачылар белән тулы булган, димәк, яхшы гына керем дә кергән.

Ә соңрак Наилә Закирова, районның хатын-кызлар советы рәисе буларак, 10 милли костюмнар комплекты сатып алырга ярдәм иткән. Бүгенгесе көндә мондый киемнәр 4 комплект тәшкил итә, аларның өчесе грантлар хисабына сатып алынган.

2017 ел ике матур вакыйга алып килгән: Тубылгы Тауда яңа мәдәният йорты бинасы төзелгән

һәм «Ак калфак» ансамбле үзешчән халык коллективы исемен алган (быел икеләтә бәйрәм - 5 еллык юбилей).

Коллективның элеккеге составыннан бүгенгесе көндә 5 хатын-кыз калган: Рәисә Хәлилова, Рәшидә Мөбәракшина, Гадания Лотфуллина (коллективка нигез салучы), Вәсилә Юртаева һәм Минзифа Лотфуллина.  Айгөл үзе дә «Ак калфак» татар хатын-кызлары җәмгыятенең район бүлекчәсе әгъзаларыннан торган «Моңлы чишмә» ансамблендә җырлый.

Бүген Тубылгы Тау мәдәният йортында «Бисер» коллективы да бар, анда 7 яшьтән алып 12 яшькә кадәр 9 бала йөри. Талантлы балалар борынгы җырларны да, заманча җырларны да башкаралар.

2014 елда сәнгать җитәкчесе Рәсимә Нәбиуллина килгәч, «Нур» театр коллективы оештырыла. Коллективта 22 яшьтән алып 60 яшькә кадәрге 17 кеше, шул исәптән мәдәният йорты директоры  үзе дә бар.  Коллектив тарафыннан 7 спектакль куелган.

2017 елда алар «ИделЙорт - 2017» төбәкара конкурсы лауреаты һәм акчалата премиягә ия булганнар. 2020 елда коллектив Халык исеме алган.

Гомумән, авыл мәдәният йорты базасында 9 клуб оешмасы эшли. Мәдәният хезмәткәрләренә алынган грантлар алга таба үсәр өчен ярыйсы гына матди ярдәм булып тора. Конкурсларда 2017 елдан бирле катнашалар. 6 проект: Айгөл Вафинага 660 мең сумлык грант алырга мөмкинлек биргән.

Һәр проект, ул бала кебек бик тә кадерле. Әмма «Тубылгы Тау» борынгы шәһәрчеге территориясен саклау һәм төзекләндерү буенча «Мирасыбызны саклыйк» проектын махсус графа итеп карыйсы килә. Бу проектны тормышка ашыру «Татарстанның энҗе муенсасы» республика туристик маршрут звеноларының берсе булырга мөмкинлек бирәчәк.  Айгөл Вафина әлеге проект тирәсендә фикердәшләрне - Тубылгы Тау авылы активын, шәхси эшмәкәрләрне, авыл җирлеге Советы депутатларын һәм район башкарма комитетын җыйган.

Айгөл Вафина газетабыз белән күптәннән актив хезмәттәшлек итә. Аның материаллары кыска һәм ачык итеп язылган.

Хыялыңны тормышка ашыру өчен бик зур эшчәнлек кыры бар кебек тоела, әмма Айгөл өчен бу гына аз. Ул теләсә нинди үзгәрешләргә әзер. Һәм эш итүдән курыкмый.

2020 елда «5ХL» район КВН командасы оештырыла. Анда Айгөл бик тә актив катнашты. Клуб хезмәткәрләренең Республика КВН уеннарыннан соң Айгөл: «Булды! Мөгаен, бу минеке түгелдер», дип уйлый. Башка тәҗрибәле командаларга каршы тору авыр булгандыр, бәлки, ләкин команда ярымфиналга җитте бит! Һәм Айгөл югарырак планка алып, команда төзергә тагын бер омтылыш ясады.

Айгөл Вафинаны район мәдәният хезмәткәрләре профсоюзы рәисе итеп сайлаганнан соң, ул 6 район вәкилләрен җәлеп итеп, КВН командасы булдыра.

«Әзерлек профессиональ дәрәҗәдә бара, инде беренче уен безгә җиңү китерде», - ди Айгөл, без 3 дәрәҗә дипломант булдык.  Яңа сезонда катнашу теләге зур иде һәм менә 17 ноябрьдә «Профкәмит» командасын өченче сезонга уенга чакырдылар. Командабыз чемпион титулына ирешер дип өметләнәбез.

- Айгөл, кайчан барысына да вакыт табасың?

-Якыннарымнан, – дип җавап бирә ул, - авылдашларымнан, дусларымнан һәм хезмәттәшләремнән. Алар белән аралашу миңа көч бирә. Минем шулай ук иң ышанычлы «тылым» бар - ул минем әнием Нуридә Шәфигулла кызы. Аңа 60 яшь һәм ул «Агро-Основа» ҖЧҖнең Тубылгытау бүлекчәсендә склад мөдире булып эшли, тик мине әнием көндәлек мәшәкатьләрдән азат итә. Өйдә мине һәрвакыт игелекле әнием көтә. Яраткан туганнарымның балалары Рәмзил белән Айзилә дә тормышыма ямь өсти.