Уяулыкны көчәйтергә кирәк

Утырышта учреждениеләрнең, аерым алганда, район мәктәпләре һәм балалар бакчаларының террорчылыктан якланышы мәсьәләләре каралган. Кыска вакыт эчендә ЭЭБ һәм район прокуратурасы хезмәткәрләре мәгариф бүлеге белән берлектә мәгариф учреждениеләрендә бу мәсьәләләрнең торышын тикшергән. Бу хакта хисап районның террорчылыкка каршы комиссиясенең чираттагы утырышында тыңланачак. Мәгариф, мәдәният, яшьләр эшләре һәм спорт бүлекләре начальникларына укучылар һәм яшьләр белән профилактик чаралар үткәрергә, объектлар саклауны көчәйтергә кушылган. АҖ башлыкларына җирлекләрдә буш торган йортларны карап чыгу, шикле, таныш булмаган кешеләр турында кичекмәстән эчке эшләр бүлегенә хәбәр итү йөкләнгән. Укучыларыбызның исләренә төшерәбез, барлык шикле әйберләр һәм кешеләр турында кичекмәстән полициягә 2-26-73, 102 (мобиль телефоннан), ЕДДСка (2-21-54),  янгын бүлегенә 01, 101 (кәрәзле телефоннан), район хакимиятенең кабул итү бүлмәсенә  (2-20-07) яки 112 телефон номерлары аша хәбәр итегез.