Волчья Бистәсендә СВОда катнашучы хәрби белән очрашу

Күптән түгел ул хәрби хәрәкәтләр зонасыннан туган авылына кыска вакытлы ялга кайткан, анда аны түземсезлек белән әти-әнисе һәм дуслары көткән. Очрашуда яшүсмерләр Павелны зур кызыксыну белән тыңлаганнар һәм аңа байтак сораулар биргәннәр. 

Бүгенге тынычсыз заманда без шактый күп мәгълүмат алабыз, шул исәптән махсус хәрби операциянең барышы турында да. Әмма ул мәгълүматларны анда булган кешеләрдән алу — әлеге вакыйга турында төгәлрәк белү дигән сүз. Павел үзенең армиядәге көндәлек тормышы, аның һәм коралдаш иптәшләренең көнкүреше турында сөйләгән, очрашуда катнашучыларның сорауларына җаваплар биргән. Шулай ук балалар авырлыкларга карамастан, андагы халыкны һәм үз Ватанының суверенитетын яклаучы, батырлык күрсәтүчеләр турында да ишеткәннәр.
Очрашу ахырында яшүсмерләр Павелга очрашуга килүе өчен рәхмәт белдергәннәр, аңа нык сәламәтлек, хәрби хезмәттә уңышлар һәм, иң мөһиме — җиңү белән, исән-сау өенә кайтуын теләгәннәр.

Мондый очрашулар үз илең өчен горурлык хисе булдыруда ярдәм итә. Мәктәп укучылары чын геройларның янәшәдә генә яшәвен, батырлык, туган илне ярату кебек сыйфатларның көчле кешеләргә генә хас булуын күргәннәр.

#Слободаволчинскаяоош