Хатын-кыз һәр эштә уңышлы булсын

Гаилә башлыгы Олег, өч балигъ булмаган баланың әтисе, 2022 елның октябрендә үз теләге белән СВОга киткән. Моңа кадәр машина йөртүче-дальнобойщик булып эшләгән. 

Хәзер мотоукчылар полкында гранатомет бүлеге командиры булып хезмәт итә. 2023 елның җәендә «Батырлык өчен» медале белән бүләкләнде. Шулай ук «СВО катнашучысына» медале, часть командирыннан «СВО зонасында Украинаны демилитаризацияләү һәм денацификацияләү буенча куелган бурычны үтәгән өчен» грамотасы, ә күптән түгел Ватанны саклаучылар көне уңаеннан «Хәрби бурычларны үтәгәндә югары осталык, батырлык һәм фидакарьлек өчен» грамотасы белән бүләкләнгән. Аның фотосы инде берничә тапкыр хәрби частьнең Почет тактасына урнаштырылган. Командование аны «Ут нокталарына төрле кораллардан атып, дошманның һөҗүмнәренә ныклы каршы торучы» командир буларак тасвирлый.
Аның хатыны Рузанна биш ел дәвамында Яңа Чишмәнең «Кайгырту» ХСХКҮдә социаль педагог булып хезмәт куя.

Хезмәттәшләре һәм җитәкчесе аның осталыгын, игелеген, кешеләр белән эшләүдә кызыксынучанлыгын, үз карашларын яклауда нык булуын, оптимизмын аерым билгеләп үтәләр. Ул кешеләр белән аралашуда оста, бәхәсле ситуацияләрдән чыгу юлын таба белә торган, инициативалы һәм тырыш хезмәткәр. 2022 һәм 2023 елларда намуслы һәм нәтиҗәле эше өчен ХСХКҮдән Рәхмәт хатлары белән бүләкләнә.
Төп эше белән беррәттән, Рузанна волонтерлык эшчәнлеге белән дә актив шөгыльләнә. Ул районда ТР Ватан сугышчылары гаиләләре комитеты вәкиле һәм биредә «Ватан сугышчылары гаиләләре җәмгыяте» төркемен оештыручы да булып тора.

Узган елның җәендә Рузанна «Хәтер бакчасы» акциясен башлап җибәрде. ТРда КСВО вәкиле буларак махсус операциядә катнашучыларның балаларына ярдәм итә: аларның Казанга мәдәни чараларга баруларын оештыра, алар өчен районда бәйрәмнәр әзерли, «коры душ» һәм сугышчылар өчен үлән чәйләре ясау буенча мәктәпләрдә мастер-класслар үткәрә, гуманитар ярдәм җыю пунктларында посылкаларны җыярга ярдәм итә һәм башка бик күп нәрсәләр эшли.

Төрле район һәм республика төркемнәрендә булып, сугышчылар гаиләләренә ярдәм буенча кирәкле мәгълүматларны, барлыкка килгән яңа ташламаларны күзәтеп тора, аларны безнең район төркемнәренә дә җибәрә.

2023 елда Яңа Чишмә районында Комитет эшчәнлегенә зур өлеш кертүе, СВОда катнашучыларның гаиләләре белән эшләве, җирле хакимият һәм үзидарә органнары, мәктәпләр һәм мәктәпкәчә белем бирү учреждениеләре администрацияләре белән хезмәттәшлек итүе, гуманитар ярдәм җыюы, КСВО эшчәнлеге кысаларында даими рәвештә акцияләр һәм чаралар үткәрүе өчен ул «ТР Ватан сугышчылары гаиләләре комитеты» АНО җитәкчесенең Рәхмәт хаты, шулай ук Олег хезмәт иткән укчылар часте командирының, яшьләр сәясәтен үстерүгә һәм яшьләрнең социаль активлыгын арттыруга керткән өлеше өчен район башкарма комитеты җитәкчесенең Рәхмәт хатлары белән бүләкләнде.

Рузанна районның иҗтимагый һәм мәдәни тормышында даими катнаша: массакүләм бәйрәмнәрдә (Җиңү көне, Сабантуй һ.б.), профессиональ «Аэлита» хореография төркемендә бии. 2019 елда коллектив составында «Наше время — Безнең заман» дип аталган эшләүче яшьләрнең республика иҗат фестивале суперфиналында призлы урынны яулый һәм район башлыгының Рәхмәт хаты белән бүләкләнә. Узган ел ахырында Рузанна «Автоледи-аккуратность» номинациясендә районда үткән «Автоледи — 2023» машина йөртү осталыгы конкурсында җиңүче булды.

2024 елда «Хатын-кыз-лидер» номинациясендә «Ел хатын-кызы. Ел ир-аты: Хатын-кыз карашы» республика конкурсының зона турында җиңгән өчен яңа Дипломга ия булган. 

Алда санап үтелгәннәрдән тыш, Рузанна, Яңа Чишмәдәге Изге Троица гыйбадәтханәсенең актив мәхәллә әгъзасы буларак якшәмбе мәктәбе чараларында (кызы Милана шунда йөри) ярдәм итә. Улы Слава һәм Милана белем бирү мәктәбендә бик яхшы укыйлар, кечесе — Даша балалар бакчасына йөри. Слава бокс белән мавыга, 13 яшендә аның призлы бүләкләре дә бар инде, ә «Беренчеләр хәрәкәте» яшьләр оешмасында катнашучы буларак «Бергәләп уйныйбыз» дигән гаилә конкурсында җиңүче дипломы белән дә бүләкләнгән. Милана БСМдә «Мерцающие лучики» ансамблендә бии. 

Күргәнебезчә, Рузанна барысын да уңышлы башкара: төп эшендә, волонтерлык һәм иҗтимагый эшчәнлегендә дә. СВОда катнашучының хатыны һәм күп балалы әни буларак, ире фронтта булгач, балаларын үзе генә тәрбияли.

Һәр сайлау кампаниясендә Рузанна шулай ук тавыш бирү урыннарында участок сайлау комиссиясе әгъзасы булып тора. Быел исә ул бу эштән азат ителүен һәм гади сайлаучы буларак кына катнашачагын әйтте.

— Сайлауларга балаларны гадәттә үзем белән алмый идем. Быел, бәлки, алар белән килермен. 3 яшьлек Дашага минем белән бергә бюллетеньне сайлау урнасына төшерү кызык булыр дип ышанам. Мөгаен, Олег та анда тавыш бирер, чөнки ул да Россия Федерациясе гражданы, тик хәзер бик мөһим һәм җаваплы участокта Россияне сугышчы буларак яклый.