Яңа Чишмә районы территориясендә 65 чит ил кешесе яши

Бу хакта Россия ЭЭМнең Яңа Чишмә районы буенча бүлегенең миграция пункты начальнигы Галина Юрьева хәбәр итте.

Агымдагы елның 5 аенда 16 чит ил кешесе беренчел исәпкә куелган, шул исәптән Әрмәнстаннан – 10, Азәрбайҗаннан, Таҗикстаннан, Үзбәкстаннан һәм Казахстаннан 1-2шәр кеше. Аларның күбесе эшкә килгән.

Миграция исәбенә озайту тәртибендә 48 чит ил кешесе куелган. Аларның күбесе (40 кеше) Үзбәкстан гражданнары, Алар «Агро-Основа» ҖЧҖдә, «Козлова М.И.» КФХда һәм эшмәкәр Т. Черняевада эшлиләр.

Яңа Чишмә районында яшәү урыны буенча 49 чит ил кешесе яши, шул исәптән икесе – гражданлыгы булмаган затлар. Алар арасында Әрмәнстаннан – 18, Үзбәкстаннан – 11, Азәрбайҗаннан – 5, Таҗикстаннан – 6, Төркмәнстаннан – 3, Украинадан һәм Казахстаннан 2шәр кеше бар.

Вакытлыча яшәүгә 7 чит ил кешесе рөхсәт алган. 2021 елның 5 аенда 12 чит ил кешесе Россия Федерациясе гражданлыгы алган.

Ел дәвамында миграция законнарын бозу фактларын ачыклау буенча 62 чара үткәрелгән, хокук бозулар өчен 6 адм. беркетмә төзелгән.  

Яңа Чишмә районы территориясендә чит ил гражданнары күпләп яши торган урыннар юк.