Яңа Чишмә районының чыгарылыш сыйныф укучылары имтихан тапшыруны төгәлләделәр

Агымдагы елда 60 чыгарылыш сыйныф укучысының 53е рус теленнән мәҗбүри имтихан тапшырды (җидесе тапшырмаган, чөнки вузларга укырга керергә җыенмыйлар). Барлык 53 укучы да тиешле бусаганы узган - район буенча уртача балл 74. Яңа Чишмә урта мәктәбеннән Наталья Урядникова, Яңа Чишмә гимназиясеннән Анна Бадяева һәм Полина Любимова 94шәр балл җыйган, Черемухово мәктәбеннән Дарья Медведева һәм Зирекле лицееннан Ринат Әхмәтҗанов 91әр балл җыйганнар.

Профильле математиканы 30 чыгарылыш сыйныф укучысы, информатиканы - 7, физика - 11, химия - 10, тарих - 7, җәмгыять белеме - 20, әдәбият һәм география буенча 1әр укучы имтихан тапшырган.

Барлык имтиханнар да Яңа Чишмә урта мәктәбе базасында узды, имтиханнар вакытында бернинди хокук бозулар да булмады.