Яшь хәрәкәт инспекторлары – Дәүләт автоинспекциясенең төп ярдәмчеләре
Яңа Чишмәнең яшь хәрәкәт инспекторлары (ЮИД) юл хәрәкәте куркынычсызлыгы буенча акциядә катнаштылар
ЮИДның туган көне кысаларында (1973 елның 6 марты) Яңа Чишмә башлангыч мәктәбе-балалар бакчасы базасында юл хәрәкәте кагыйдәләрен пропагандалау буенча чара үткәрелде. Яңа Чишмә ЮХИДИ бүлеге хезмәткәрләре яшь инспекторлар катнашында яктылыкны чагылдыручы элементларны куллануны популярлаштыру буенча акция үткәрделәр.
ЮХИДИ бүлегенең патруль-юл хезмәте өлкән инспекторы Айрат Сатдаров билгеләп үткәнчә, ЮИДылылар - юл хәрәкәте иминлеген пропагандалау һәм профилактикалау буенча Дәүләт автоинспекциясенең төп ярдәмчеләре.
- Даими рәвештә яшь инспекторлар юл хәрәкәте куркынычсызлыгы буенча белемнәрен арттыралар, - дип ассызыклады ул, - балалар һәм өлкәннәр арасында үз белемнәрен тараталар, юл хәрәкәте кагыйдәләрен үтәүне пропагандалыйлар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подписывайтесь на наш Telegram-канал "Шешминская новь"
Нет комментариев