Зирекле музеенда авыл лицее укытучыларының очрашуы узган

-Очрашуның иң өлкән катнашучысына, ветеран — педагог Садыйкова Зоя Ивановнага 94 яшь, ә иң яшь укытучыга 32 яшь, — дип хәбәр итә музей директоры Лидия Лотфуллина. 

— Бәйрәм өстәле артында Коръән сүрәләре укылды, алар музейга нигез салучы Мидхәт Газыймов (ул бер ел элек 11 октябрьдә бакыйлыкка күчкән иде) һәм башка вафат булган педагогларның рухларына багышланды. 

— Гаҗәеп кешеләр — безнең кайбер укытучыларыбызның — элеккеге буын вәкилләренең бакыйлыкка күчүләре бик кызганыч. Алар турында истәлек укучыларының күңелләрендә һәрчак яшәсен. Ә исән булучыларга озын гомер һәм сәламәтлек телибез!