Мәдәният хезмәткәрләре көне белән!

25 мартта билгеләп үтелә торган мәдәният хезмәткәрләре көне алдыннан район башлыгы Вячеслав Козлов һәм район башкарма комитеты җитәкчесе Ринат Фәсахов барлык мәдәният хезмәткәрләрен һөнәри бәйрәмнәре белән котлады.

Котлауда мәдәният хезмәткәрләренең мәдәни мирасны саклау, үстерү һәм популярлаштыру, халык традицияләрен һәм гореф-гадәтләрен торгызу буенча нәтиҗәле эш алып барулары билгеләп үтелә. Бүген районда мәдәният хезмәткәрләренең нәтиҗәле эшчәнлеге өчен тиешле шартлар тудырылган, алар лаеклы хезмәт хакы ала. Матди-техник тәэмин итү буенча зур эш алып барыла, яңа клублар төзелә. Соңгы елларда Ленино, Тубылгытау, Рус Чабаксары авылларында күпфункцияле яңа үзәкләр төзелде, район үзәгендә менә дигән сәнгать мәктәбе барлыкка килде, район үзәге, Акъяр һәм Зирекле мәдәният йортларына капиталь ремонт ясалды.

Котлауда мәдәният хезмәткәрләренә нык сәламәтлек, бетмәс-төкәнмәс энергия, илһам һәм эшләрендә яңа иҗади уңышлар теләделәр.