Музейлар көне белән!

Муниципаль район башлыгы Вячеслав Козлов һәм башкарма комитет җитәкчесе Ринат Фәсахов барлык музей хезмәткәрләрен 18 майда билгеләп үтеләчәк Халыкара музейлар көне белән котлыйлар.
Котлауда, район үзәгендәге, Зирекледәге, Акбүредәге музейларда хезмәткәрләр дәртләнеп эшлиләр, барлык мәктәпләрдә дә диярлек музейлар ачылган, ел саен алар яңа экспонатлар белән тулыландырыла, район тарихын барлау (өйрәнү) буенча эш алып барыла, җәмәгать башлангычында эшләп, энтузиастлар көче белән музейлар өчен материаллар, искергән әйберләр җыю эше алып барыла, якташларыбыз - Бөек Ватан сугышында катнашучыларның исемнәрен мәңгеләштерү буенча байтак эш эшләнә, диелгән.
Музей хезмәткәрләренә ныклы сәламәтлек, экспозицияләрне арттыруда яңа уңышлар, иминлек теләнә.

Фото https://pixabay.com/ru