Агитбригада эшен башлап җибәрде
Туган ягыбыз кырларында урып-җыю эшләре бара, уңышны түкми-чәчми җыеп алу өчен игенче-механизаторларыбыз ару-талуны белми хезмәт итә.
Һәр елны урып-җыю кампаниясе дәвамында районыбызның мәдәният хезмәткәрләре агитбригада төркеме булдырып, басу- кырларга концерт программалары белән чыга.
Бүген Тубылгы Тау мәдәният йорты хезмәткәрләре катнашында агитбригада үз эшен башлап җибәрде. Бу хакта редакциягә Тубылгы Тау АМЙ хезмәткәрләре хәбәр итә.
-“Игенчегә җырлар аша сәлам юллыйбыз” дигән программа белән сәнгать осталары "Агро-Основа" ҖЧҖнең "Тубылгы Тау" бүлекчәсе басуында эшләүче механизаторларны үзләренең чыгышлары белән ял иттерделәр.
Рәхмәт сезгә, игенчеләр! Эшләребез һәрчак уңышлы, дәвамлы, нәтиҗәле булсын, дигән теләктә калабыз!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев