Алдынгылар арасында — яңа исемнәр

"Скоков Н.А." КФХдан Анатолий Ушаковны бүләкләү. Ирина Лобачева фотосы.

Комбайннарның беренче төркемендә «АгроРаздолье» ҖЧҖдән ярдәмчесе Илнур Баһаутдинов белән Дмитрий ПЕТРОВ җиңүче булганнар, алар «Тухано — 580» комбайнында урып — җыю башланганнан бирле 2900 тонна ашлык суктырганнар (атна эчендә — 910 тонна).

Комбайннарның икенче төркемендә «Скоков Н. А.» КФХдан Анатолий УШАКОВ җиңүче дип танылган. Ул «Нива-Нова — 340» комбайнында урып — җыю башланганнан бирле 803 тонна ашлык суктырган (атна эчендә — 294 тонна).

«Игенче» ҖЧҖдән Сергей УДИРЯКОВ комбайннарның өченче төркемендә җиңүче булган. Ул «Мега» комбайнында урып — җыю башланганнан бирле 877 тонна ашлык суктырган (атна эчендә — 720 тонна).

«Суворов Д. А.» КФХдан Михаил КОЗЫРЕВ комбайннарның дүртенче төркемендә атна лидеры дип танылган, ул урып — җыю башланганнан бирле 600 тонна икмәк суктырган (атна эчендә — 190 тонна).

Шоферлар арасында иң яхшы күрсәткечләр «АгроРаздолье» ҖЧҖдән Евгений ГЛАЗКОВта, ул урып — җыю башланганнан бирле «Шахман» а/м белән комбайннардан ындыр табагына 2080 тонна бөртек ташыган (атна эчендә — 738 тонна).

Югары күрсәткечләргә ирешкән өчен район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов кырда — эш урынында атна алдынгыларына кызыл әләмнәр һәм акчалата премияләр тапшырдылар.

Исегезгә төшерәбез, комбайнчылар — 5әр мең сум, аларның ярдәмчеләре — 2шәр мең сум, ә машина йөртүчеләр — 3әр мең сум премия белән бүләкләнә.