Алдынгыларга премияләр булдырылган

Нәтиҗәләр 24 июльдән башлап 21 августка кадәр атна саен ясалачак.

Хезмәт ярышының мәҗбүри шарты булып барлык агрономик таләпләрне үтәү, ягулык-майлау материалларын экономияләү, югары хезмәт дисциплинасы, хезмәтне саклау һәм куркынычсызлык техникасы кагыйдәләрен һәм тәүлеклек норманы үтәү тора.

Комбайннар 4 төркемгә бүленгән:

беренче — Лексион, Тукано, Акрос-580

икенче — Нью-Холланд, Нива-Нова, Дойч-Фар

өченче — Палессе, Акрос — 530/550, Мега — 360, Дон — 1500

дүртенче — СК-5 «Нива», «Енисей».

Атна йомгаклары буенча комбайннарның барлык дүрт төркеме буенча иң яхшы комбайнчылар — 5000 сум, аларның ярдәмчеләре — 2000 сум һәм комбайннардан ындыр табагына ашлык ташу белән шөгыльләнүче иң яхшы шоферлар 3000 сум күләмендә премия белән бүләкләнә.

2023 елгы уңыш җыю нәтиҗәләре буенча иң яхшы комбайнчы «Шевроле-Нива» автомобиле белән бүләкләнәчәк.