Яңа Чишмә хәбәрләре
  • Рус Тат
    • Авыл хуҗалыгы

    Бәрәңгене дөрес утыртырга

    автор, 6 май 2015 - 05:36
    681
    0
    0

    Чәчү өчен дөрес итеп хәзерләнгән бүлбеләр авыруга бирешми. Уңышы әйбәт булсын өчен чәчәр өчен бәрәңгене дөрес итеп ничек хәзерләргә, - районда орлыкчылык буенча белгеч, Россельхозцентрның район бүлеге начальнигы Рәфис Зиниятуллиннан без шул хакта сораштык. -Соңгы елларда шәхси хуҗалык тотучылар бәрәңге уңышының начар булуыннан зарланалар. "Яздан көзгә чаклы бәрәңге эшләп гомер...

    Чәчү өчен дөрес итеп хәзерләнгән бүлбеләр авыруга бирешми. Уңышы әйбәт булсын өчен чәчәр өчен бәрәңгене дөрес итеп ничек хәзерләргә, - районда орлыкчылык буенча белгеч, Россельхозцентрның район бүлеге начальнигы Рәфис Зиниятуллиннан без шул хакта сораштык.
    -Соңгы елларда шәхси хуҗалык тотучылар бәрәңге уңышының начар булуыннан зарланалар. "Яздан көзгә чаклы бәрәңге эшләп гомер үтә, нәтиҗәсе - юк",- диләр алар. "Бәрәңге уңышын арттыру өчен нәрсә эшләргә кирәклеген әйтсәгез икән?"
    - Чәчү әйләнеше үтәлмәгәнлектән дә бәрәңге уңышы кими, нәтиҗәдә авыру тудыручылар ишәя генә бара. Безнең бакчаларда гел бер урынга ел саен бәрәңге утыртыла. Әле аның орлыгын да алыштырмыйбыз - күп еллар үзебездә булган бәрәңге орлыгы чәчәбез, 4-5 ел саен сортларны алыштыру тәкъдим ителә, иң әйбәте үзебезнең илнекен алырга, чит илдән кертелгәннәренең бер-ике елдан уңышы кими.
    -Бакча тотучыларга бәрәңгенең нинди сортларын тәкъдим итәсез?
    -Киң таралган иртә өлгерә торган "Тимо" сорты туфракка бик нәзберек түгел, күзләре вак, бүлбеләре ак, матур, крахмалы да күп. Озакка сузылган суыкларга да, эссегә дә чыдам. "Голубизна" сортының тәм сыйфаты югары, авыруларга, салкыннарга, эссегә дә чыдам. Грунт суларына бай туфракта үстерү өчен яраклы. Базарда "Невский" сорты - беренче урында, ул дөньяда бәрәңге сортлары арасында бүлбеләренең матурлыгы һәм ничек кенә пешерсәң дә тәмле тәме белән аерылып тора. Корылыкка чыдам, авыруларга тиз бирешми. Сутыена 1300 кг-га чаклы уңыш бирә.
    Утыртасы җир җылынган (8 градус) булырга тиеш. Орлыкларның да берәр айлап җылыда тотылуы һәм киселмәгән (түгәрәк килеш) булуы шарт. Ә моның өчен көздән үк орлык өчен уртача зурлыктагы бәрәңгеләрне сайлап куярга кирәк. Әгәр дә инде бәрәңгене урталай кисәргә кирәк булса, киселгән урын кипшенсен өчен, бу эшне (бәрәңге яруны) алданрак, иртәрәк эшләргә кирәк. Күпләр үргән бәрәңге утыртуны хуп күрә. Бу очракта шуны истә тотарга кирәк: үргән үсенте 5-8 мм-дан артмаска тиеш.
    Утыртыр алдыннан орлыкларны корткычлардан һәм авырулардан саклый торган препаратлар белән эшкәртергә киңәш ителә. Биологик препаратлар да бар, аны районның орлыкчылык инспекциясе аша кайтартырга мөмкин.
    -Бәрәңгене ничек итеп дөрес итеп агуларга кирәк?
    -Башта кулланыла торган препаратның нормасын дөрес итеп билгеләргә кирәк: препаратны инструкция буенча әзерләргә һәм сиптерергә киңәш ителә. Препаратны кирәгеннән артык кушсагыз, мондый бәрәңгене ашамагыз дияр идем, әгәр дә инде препарат тиешле концентрациядә булмаса - колорадо коңгызы моңа (агуга) игътибар итмәячәк. Пестицидлар белән эшкәртүне коры һәм аяз көннәрдә генә башкарырга кирәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Шешминская новь. Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Шешминская новь
    № свидетельства о регистрации СМИ, дата: Эл № ФС 77 - 47633 от 06.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Мусин Азат Вализанович Email: sheshminskaja-nov.dir@tatmedia.com
    Адрес редакции: 423190 Республика Татарстан, с.Новошешминск, ул.Ленина, д.102.
    Телефон редакции: 8(84348)2-21-46 - Руководитель филиала. 8(84348)2-23-46 - Бухгалтерия и отдел рекламы. 8(84348)2-24-32 - отдел писем
    Электронная почта редакции: sheshminskaja-nov@tatmedia.com
    Электронная почта филиала для сообщений о фактах коррупции sheshminskaja-nov.dir@tatmedia.com
    sheshminskaja-nov@tatmedia.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    18+