Чәчү төгәлләнде, чәчүлекләрне карау бара

Районның авыл хуҗалыгы һәм азык-төлек идарәсе башлыгы Леонид Богомолов хәбәр иткәнчә, барлык чәчүлек мәйданы 78 мең гектардан артык, ә 8600 гектар чәчүлек җирләре парга  калдырылган.

Бөртекле сабан культуралары 8300 гектардан артык мәйданны били, шул исәптән 4700 га – арпа, 2480 га – сабан бодае. «Закрома» ҖЧҖендә 218 гектар ясмык чәчтеләр.

Техник культуралар 52500 гектарда чәчелгән. Шул исәптән 29500 га – рапс, 15500 га – май орлыгы өчен көнбагыш, 3900 га – майлы җитен, 2500 га – соя.

Тамыр культуралары 6800 гектарны били, шул исәптән 3800 га – күпьеллык үләннәр, 550 га – силос өчен кукуруз, 2400 га – берьеллык үләннәр.

Көзге культуралар 17 мең гектардан артык мәйданны били, шул исәптән 10 мең га – көзге бодай, 6700 га – көзге рапс.

Чәчү барышында  1 гектарга уртача 139,4 кг минераль ашлама кертелгән.

Хәзер чәчүлекләрне карау бара. 35 мең гектарга якын чәчүлек җирләре чүп үләннәргә каршы эшкәртелгән, авыруларга каршы – 15 мең га, корткычларга каршы – 27,5 мең гектарда 20 агрегат эшли.