Чәчүдә дүртенче атна лидерлары билгеләнгән

Туңга сөрелгән җирләрне, уҗым культураларын һәм күпьеллык үләннәрне тырмалауда «Агро-Основа» ҖЧҖдән Александр ФЕОКТИСТОВ атна лидеры булып танылган, ул ул К-742 тракторында атна эчендә 330 гектар тырмалаган (чәчү башланганнан бирле - 2402 гектар).

Туңга сөрелгән җирләрне культивацияләүдә «АгроРаздолье» ҖЧҖдән Гаяр Сәйфетдинов (ул «Джондир» тракторында 340 гектар туңга җир сөргән) һәм «Скоков Н.А.» КФХдан Павел ФЕЛЬ (ул МТЗ - 1221 тракторында 193 гектар туңга җир сөргән, эш башланганнан бирле - 444 гектар) атнаның иң яхшы механизаторлары булганнар.

Сабан культураларын чәчүдә иң яхшы күрсәткечләр «Агро-Основа» ҖЧҖдән Айрат ГАБДУЛЛИНда (ул «Бюллер» тракторында 382 гектар чәчкән, чәчү башыннан - 579 гектар) һәм «Скоков Н.А.» КФХдан Анатолий УШАКОВта (ул МТЗ - 1221 тракторында 239 гектар бөртекле культуралар чәчкән, эш башланганнан бирле - 579 гектар).

Район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов атна лидерлары белән эш урынында очрашканнар, аларга кызыл әләмнәр һәм акчалата премияләр тапшырганнар.