Чәчүне кайгыртып
Узган атнада "Кулон" агрофирмасында 2012 ел чәчү эшләренә хәзерлек мәсьәләләре буенча киңәшмә булып үтте. Киңәшмәне авыл хуҗалыгы һәм азык-төлек идарәсе начальнигы Сергей Баранов үткәрде. Евгений СТАРОВ
Киңәшмәгә хуҗалык инженерлары, агрономнар һәм фермер хуҗалыклары җитәкчеләре чакырылган иде. Киңәшмәне ачып җибәреп, С.М. Баранов язгы кыр эшләре башланырга вакытның аз калып баруын һәм хәзер барлык көчне техниканы сыйфатлы әзерләүгә һәм хуҗалыкларны яхшы орлыклар белән тәэмин итүгә куярга кирәклеген билгеләп үтте.
Авыл хуҗалыгы идарәсенең җитештерү - маркетинг бүлеге начальнигы Анатолий Клюшкин чәчү эшләренә техниканы һәм тагылма инвентарьларны хәзерләү буенча хуҗалыклар эшенә анализ ясады. "Кулон" һәм "Татарстан" агрофирмаларында (Сосновка бүлекчәсеннән кала), "Козлов В.В." КФХ да техникаларны ремонтлау белән яхшы шөгыльләнүләре билгеләп үтелде. Район буенча 120 чәчкечнең - 78е, 120 культиваторның 76сы, 3900 тырманың 3150се ремонтланган. 309 тракторның 280ненә ремонт таләп ителә, шуның 191е ремонтланган. "Игенче" ҖЧҖ, "Яз" КФХ да һәм вак фермер хуҗалыкларының күпчелегендә авыл хуҗалыгы машиналарын ремонтлау буенча эш оештырылмаган. Чәчкечләрне һәм культиваторларны көйләү (регулировкалау) буенча тәкъдимнәр җиткерелде. Механизатор кадрларны туплау һәм аларны укыту (өйрәтү) буенча бурычлар куелды. Механизаторларны өйрәтү буенча тәкъдимнәр белән һәм тракторларга, аларның тагылмаларына чираттагы техник карау үткәрү турында ТР Дәүләт техник күзәтчелек Идарәсе бүлеге начальнигы, Яңа Чишмә районының баш дәүләт инженер-инспекторы Самат Вәлиуллин чыгыш ясады.
Авыл хуҗалыгы идарәсенең үсемлекчелек бүлеге консультанты Ильяс Фәсхетдинов хуҗалык агрономнарының игътибарын техниканы кабул итү, ашламалар, орлыклар белән эшләү мәсьәләләренә юнәлдерде. Күп кенә хуҗалыкларның кыр картограммалары юк, ансыз исә үсемлекчелек буенча бернинди субсидия алып булмый. Якын арада агрономнарга эш планнары хәзерләргә, уҗымнарның торышын тикшерергә, чәчүлек монолитларын тикшерүгә тапшырырга кирәк. "Россельхозцентр" ФГПУ филиалы район бүлеге начальнигы Рәфис Зиниятуллин районда булган орлыкларга анализ ясады. Районга 87 мең центнер орлык җитешми, булганы - 105 мең центнер. "Татарстан" агрофирмасында орлыкларны әйбәт эшкәрткәннәр, биредә орлыкларга ихтыяҗ 33,6 мең центнер, булганы исә күбрәк --52,3 мең центнер. Барлык хуҗалыклар да орлыкларын тикшертүгә тапшырмаган. Тулаем алганда, быел тикшерелгән орлыкларның сыйфаты әйбәт, "Татарстан" агрофирмасында чисталыгы буенча кондициясез солы орлыклары, шытымлылыгы начар булган борчак бар барын, "Кулон" агрофирмасында начар шытучы бодай, Садыйков белән Скоков фермер хуҗалыкларында чүпле бодай орлыклары партияләре бар. Өйрәнү хуҗалыгында кондициясез орлыклар бар. Орлыкларның сыйфатына анализ булмый торып, чәчү нормасын исәпләп булмый, сукырларча чәчү чәчүлекләрнең артык куе булуына, артык орлык тотылуына (исраф итүгә) яки шытымнарның сирәк булуына, түбән уңышка китерергә мөмкин. Шулай ук игътибар орлыкларга документация булу зарурлыгына юнәлтелде.
Киңәшмәдә катнашучылар "Кулон" агрофирмасында техниканы ремонтлау барышы һәм орлыклык материалның торышы белән таныштылар.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев