Эшең нинди – ашың шундый
Яңа Чишмә районында шәхси ярдәмче хуҗалык алып баручы гаиләләр бар, чөнки алар ШЯХ - гаилә бюджетын тулыландыру өчен менә дигән чыганак дип исәплиләр. Архангел Бистәсендә Петровлар һәм Моториннар гаиләсе хезмәт сөючән гаиләләрдән санала. Авыл җирлеге башлыгы Нина Сердюк төзекләндерү буенча аларның хуҗалыгын (йортын) үрнәк булырлык дип атады. Ә иң мөһиме...
Петровлар
Юрий Александрович Петров - "Архангельское" КФХ" ҖЧҖ-дә баш агроном, аның хатыны Ольга Алексеевна - хуҗабикә.
- Гомеребез буена терлек асрадык, терлекне һәрвакыт күп тоттык. Мисал өчен, сыерларыбыз дүрт баштан да ким булмады. Балаларны аякка бастырыр өчен авыл җирендә терлексез булмый. Безнең шәхси хуҗалык - гаилә бюджетын тулыландыруда төп чыганак. Ә крестьян хезмәтенә без яшьли өйрәндек, - дип сөйли Ольга. Ул 5 баш сыерны савыр өчен иртәнге дүртенче яртыда тора (алтынчысы буаз), аннары аларны көтүгә куа. Хәзер сарайда ике үгез, бозау һәм буаз тана күшәп ята (тагын ике үгезне әле күптән түгел генә сатканнар). Аларны ире һәм кечкенә уллары - 8 сыйныфта укучы Сергей карый. Ире эштә вакытта үгезләрне үзе һәм улы да карый. Петровлар барысына да ничек өлгерә? Чөнки МЭТдән кала, аларның әле тагын казлары, бройлерлары, күркәләре, чебешләре һәм тавыклары да байтак. Петровларның төзекләндерелгән зур йортлары бар, ишегалдында чисталык, тәртип хөкем сөрә, декоратив чәчәк түтәлләре дә бик матур. Тәрәзә төпләре үсентеләр өчен бик җайлы. Ольга ел саен үстергән яшелчәләреннән бик яхшы уңыш ала, кавын-карбыз да үстерә. Бакчасында - алмагачлар, парник, түтәлләр - бар да каралган, 17 сутый җирдә бәрәңге утырталар. Моннан тыш, Ольга ике яшь ярымлык оныгын да карый, төшке аш әзерләү дә аның өстендә. Кызы Лена өйдәге бар эшне дә башкара, ә Сергей әти-әнисенең төп ярдәмчесе генә түгел, мәктәптә дә бик яхшы билгеләргә генә укый, ә кичләрен спорт секцияләренә (2) йөри.
Өлкән уллары Михаилның инде үз гаиләсе, нефтьчеләрдә эшли, Бистәдә йорт төзи, киләчәктә ул да зур хуҗалык тотарга планлаштыра. Лена институтны тәмамлап, Яңа Чишмә "Ак Барс банкы"нда эшли, икенче кызлары Татьяна тиздән дипломлы булачак.
Хәзергесе вакытта Петровлар улларына йорт төзүдә ярдәм итәләр, ә кызлар җиткән, кияүгә бирерлекләр. Язын Петровлар көтүлек өчен 5 елга арендага 20 сутый җир алганнар. Хәзер анда казлар, биш кечкенә бозау тора. - Шундый ярдәмче хуҗалык тоту бик файдалы, - дип саный Ольга.
Моториннар
Сергей һәм Наталья Моториннарның гаилә корып яши башлауларына 13 ел, икесе дә эшкә батыр, уңган, булганнар. Дүрт ел эчендә сатып алган иске йортлары урынына зур (89 кв.м) гына, бик матур йорт торгызганнар. Аңа янкорма да бастырганнар, быел кирпечтән сарай да төзегәннәр.
Моториннар мал-туарны да күп тоталар (әлбәттә, Петровлар белән чагыштырып булмый): аларның 3 савым сыеры, тана, 3 үгез бозау (зур), 4 бозау, 4 дуңгыз, тавыклары бар. Сигез еллап инде хуҗалыкларында ат та тоталар. Ул йорт хуҗасы өчен эштә төп ярдәмче генә түгел, ә тугры дус та. Чөнки тормышта Сергейның үз шөгыле дә атлар белән бәйле - ул "Архангельское" КФХ" ҖЧҖ-тә ат караучы булып эшли. Наталья фермада бозаулар карый. Балалары әле яшь: уллары Сергей 5 сыйныфта, кызлары Лена 2 сыйныфта укый, терлекләрне, бакчадагы эшләрне нигездә Сергей һәм Наталья икәүләп башкаралар. Натальяның башка никахтан туган өлкән кызы үз гаиләсе белән Бистәдә аерым яши, әбиләренә онык та бүләк иткәннәр инде. Моториннар алдагы көннәргә яңа планнар корып яшиләр, чөнки балалар үскән саен ихтыяҗлары да үсә бара.
- Яшелчә бакчасында әлегә яшелчә һәм бәрәңге генә үсә, алга таба аны да киңәйтергә уйлыйбыз, - ди Сергей. - Киләчәктә бар да булыр, - дип, Наталья да сүзгә кушылды. " Әлегә терлекләрне арттырырга, хуҗалыкны киңәйтергә уйлыйбыз. Терлекләрне үстереп, сатып, акча тупларга кирәк, - ди ул.
Ни дип әйтәсең, әлеге гаиләнең булдыклылыгына, эш сөючәнлегенә сокланасы гына кала. Авылда башкалар да әлеге үрнәктә үз эшләрен тапсыннар, сөенеп хезмәт итсеннәр иде, дигән теләктә каласы килә.
Ольга ИВАНОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев