Печәннең сыйфатлысын әзерлиләр
Район авыл хуҗалыгы оешмалары тормышында хәзер мөһим этап бара. Һәр җирдә терлекләрне кышлатуга азык хәзерлиләр. Район буенча 2 мең тоннага якын печән әзерләнгән (тулаем ихтыяҗ 5 мең тоннадан күбрәк). Эш темпларын тагы да яхшырту кирәк, хәзер вакытны бушка уздырырга ярамый, чөнки сыйфатлы печән әзерләү срогы уза бара.
Дүшәмбе көнне без Владимир Зубовның фермер хуҗалыгында булдык һәм азык хәзерләү буенча эшнең ничек алып барылуы турында кызыксындык. 700 баш МЭТ исәпләнелгән хуҗалыкта 2013-2014 елларга кышкылыкка барлыгы 398 тонна печән, 2050 тонна сенаж һәм 2300 тонна силос хәзерләү таләп ителә. Азык әзерләүдә мәшгуль булган механизаторларның барысы да иртәдән алып караңгы төшкәнчегә кадәр эшлиләр. Кичәгесе көнгә "Зубов В.С." КФХ-да 120 тонна печән төргәкләргә төрелгән (прессланган) иде. Күпьеллык үләннәрне - люцернаны чабуда ике сменада эшләп, әтиле-уллы Александр һәм Николай Имаровлар сыйфатлы печән әзерләүне яхшы темпларда алып баралар. Хуҗалыкта печән чабуга июнь башларында керешкәннәр һәм күпьеллык үләннәрдән печән хәзерләүне тулысынча төгәлләгәннәр. 153 гектар люцернадан 107 тонна печән җыелган. Туфракта дым җитешмәү аркасында үләннәрнең куелыгы (масса) быел начаррак, әмма үзвакытында җыеп алганда, печән терлекләрне кышлатуга җитәчәк. Күпьеллык үләннәрдән тыш, "Зубов В.С." КФХ-да болыннар да бар, хәзергесе вакытта болын печәне әзерлиләр. Сикәнәс елгасы янындагы участокта тәгәрмәчле тракторларда эшләүче механизаторлар Сергей Эмграфов - рулонлы пресс белән, Николай Темников - тырма һәм Михаил Спиридонов яңа "Беларусь-432" тракторында көйле эшлиләр. Алар чабылган печәнне җыялар, ә Александр Емграфов тракторга эленгән кибән куйгыч белән төргәкләрне эскертләргә тезәчәк. Кирәк булганда, пресс белән МТЗ-1221 тракторында механизатор Евгений Бурмистров та эшли.
Азык хәзерләүдә мәшгуль булган механизаторлар өчен төшке ашны кырга алып киләләр. Механизаторлар пешекче Анжела Закорянга тәмле ашлары өчен бик рәхмәтлеләр. Белгечләр Александр Захаров һәм Николай Зубов барлык мәсьәләләрне хәл итәләр.
Районда шулай ук "Кулон" һәм "Татарстан" агрофирмалары, "Козлова М.И." КФХ-ларда печән хәзерләү эшләрен яхшы темплар белән алып баралар.
Сенаж әзерләүгә әлегә "Игенче" ҖЧҖ генә керешкән, анда инде 800 тоннага якын сенаж салынган. Азык хәзерләү темпларын һәр җирдә дә арттырырга һәм бар эшне дә бердәм булып, оешкан төстә башкарып чыгарга кирәк.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев