Урак өсте азагына якынлаша

“Лексион“ комбайннарында эшләүче комбайнчылар арасында бишкөнлек  алдынгысы дип “Козлова М.И.“ КФХдан Александр ХРАМОВ танылган. Ярдәмчесе Эдуард КАЛМЫКОВ белән 5 көндә алар 309 тонна бөртек  суктырганнар (урып-җыю эшләре башланганнан бирле 904 тонна). 
Дон-1500 һәм “Полесье“ комбайннарында эшләүче комбайнчылар арасында “Архангельское“ КФХдан Алексей  БАРСУКОВ алдынгы. “Полесье“ комбайнында ярдәмчесе - улы ИВАН белән 5 көндә алар 315 тонна бөртек суктырганнар (барлыгы 1192 тонна). “Акрос“ һәм “Мега“ комбайнчылары арасында “Кулон“ а/ф-дан Исхак НӘҖИПОВ (рәсемдә) алдынгы булып тора. Ярдәмчесе Роман ДЕРЕВЯШКИН  белән “Акрос-580“ комбайнында алар 5 көндә 496 тонна бөртек суктырганнар (барлыгы 2146 тонна).
СК-5 “Нива“ комбайнчылары арасында бишкөнлектә Леонид ГЛУШКОВ алдынгы булган. Ярдәмчесе Вячеслав ФОКЕЕВ белән алар 5 көндә 144 тонна бөртек суктырганнар (барлыгы 685 тонна).
Шоферлар арасында “Кулон“ а/ф-дан Марат ГАЛИМОВ рәттән өч  бишкөнлек алдынгысы булып тора.  Аның күрсәткече - 5 көндә 975 тонна, барлыгы 4302 тонна бөртек ташыган.
Соңгы хезмәт ярышын төгәлләүче бишкөнлек алдынгыларының барысына да кызыл әләмнәр һәм акчалата премияләр  тапшырылган.