Яңа Чишмә районының урак алдынгыларына кызыл әләмнәр һәм акчалата премияләр тапшырылды

Район авыл хуҗалыгы идарәсе атна эчендә эш нәтиҗәләрен карап, комбайннарның һәр төркемендә лидерларны билгеләде.

Комбайннарның беренче төркемендә «Закрома» ҖЧҖдән Владимир ГАРЕВ атна лидеры булды. Ярдәмчесе - улы Максим белән ул атна эчендә АКРОС-580 комбайнында 723 тонна ашлык суктырган, ә урып-җыю башыннан - 2244 тонна.

Комбайннарның икенче төркемендә атна эчендә иң яхшы күрсәткечләр "Козлов В. А." КФХдан Александр КОЗЛОВта. Александр әтисенең фермер хуҗалыгында эшли һәм техниканың барлык төрләрен дә белә. Урып-җыю вакытында ул Нью-Холланд комбайны штурвалы артында. Аның күрсәткечләре (атна эчендә) - 780 тонна, ә урып-җыю башланганнан бирле-1600 тонна.

«Закрома» ҖЧҖдән Александр КОЧЕТОВ комбайннарның өченче төркемендә атна лидеры булды. Ярдәмчесе Павел СЕМЕНОВ белән Мега-360 комбайнында алар атна эчендә 356 тонна ашлык суктырганнар, ә урып-җыю башланганнан бирле - 1552 тонна.

«Архангельское» КФХдан тәҗрибәле комбайнчы Владимир ЕРШОВНЫҢ күрсәткечләре бик яхшы. Ярдәмчесе - улы Валерий белән алар «Нова-340» комбайнында атна эчендә 288 тонна ашлык суктырганнар, ә урып – җыю башланганнан бирле-1014 тонна.

Шоферлар арасында «Закрома» ҖЧҖдән Александр ПАРФЕНОВ кабат алдынгы. МАЗ а/м-да ул атна эчендә комбайннардан ындыр табагына 906 тонна ашлык кайтарган, ә урып-җыю чорында барлыгы 3474 тонна.

Алдынгы комбайнчыларның барысына да кызыл әләмнәр һәм 4әр мең сум акчалата премияләр тапшырылды, аларның ярдәмчеләренә – 1әр мең сум, ә алдынгы шоферга – 2 мең сум.

Кызыл әләмнәр һәм премияләрне район башлыгы Вячеслав Козлов һәм районның авыл хуҗалыгы идарәсе начальнигы Леонид Богомоловлар тапшырды.