Яшь механизатор үрнәк күрсәтә
"Архангельское" КФХ" ҖЧҖ-дә язгы кыр эшләрен башкаруда Чистай совхоз-техникумының өченче курс студенты Сергей Осипов зур өлеш кертә. МТЗ-1221 тракторында ул бөртекле һәм азык культураларын чәчү өчен җирне намус белән һәм сыйфатлы итеп башкара.
Хуҗалыкның баш агрономы Юрий Петров сүзләре буенча, Сергейның инде чәчү эшләрендә беренче тапкыр гына катнашуы түгел, эшне җанын-тәнен биреп башкара һәм аңа һәрчак таянырга була. Хәзер ул туфракны культивацияләү белән мәшгуль, элек-туңга сөрелгән җирләрне тырмалаган. Бала чактан ук техника серләренә аны шушы хуҗалыкта механизатор булып эшләүче әтисе өйрәткән. Сергей 16 яшеннән техникада мөстәкыйль рәвештә эшли башлый һәм булачак һөнәрен (белгечлеген) сайлау очраклы булмаган.
Ел саен киеренке чорда ул трактор руле артына утыра һәм үз хезмәте белән авыл хуҗалыгы продукциясен җитештерүдә зур өлеш кертә. Эштә алган тәҗрибәсе аңа укуында да ярдәм итә һәм аннан менә дигән белгеч килеп чыгачак. Хуҗалык җитәкчесе Татьяна Белоглазова да аның эшен югары бәяли. Яшь механизатор көненә 40 гектардан артык җир эшкәртә. Быелгы чәчүдә Сергей 235 гектар туңга сөрелгән җир тырмалаган һәм 400 гектардан артык җирне культивацияләгән. Бүгенгесе көнгә "Архангельское" КФХ ҖЧҖ 1700 гектар мәйданда бөртекле культуралар чәчүне төгәлләгән, хәзер азык культуралары чәчәләр, ул 1000 гектар мәйдан биләячәк. Бу язгы чәчүдә 118 нче ҺУ укучылары Владимир Новиков, Александр Макаров, Антон һәм Александр Зубаревлар әйбәт эшлиләр.
Язгы кыр эшләрендә барлыгы 40 тан артык кеше катнаша. Хуҗалыкта Николай Стрелов, Алексей Барсуков, Николай Мефодьев, Сергей Барсуков, Иван Ершов, Анатолий Барсуков алдынгы механизаторлар. А. Барсуков 22 ел эшләгән МТЗ-80 тракторында эшли. Чәчүдә катнашучылар өчен бөтен шартлар тудырылган: хезмәткә стимул бирүче әйбәт шартлар эшләнгән, ике мәртәбә кайнар аш белән тәэмин ителәләр, Татьяна Михайловна механизаторларга сигаретларны да кырга илтеп бирә. Кешеләргә күрсәтелгән игътибар нәтиҗәсен дә бирә - чәчү оешкан төстә бара, киләсе ел уңышына ныклы нигез салына.
Евгений Старов
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев