Хәрби хезмәткә багышланган гомер

Былинкин Василий Игнатьевич 1904 елның 31 декабрендә крестьян гаиләсендә туа. Кадровый хәрби, Испаниядә сугышларда катнаша, 1939-1940 елларда ак финнар белән сугыша.

Бөек Ватан сугышында – 1941 елның 22 июненнән. Сталинград сугышында, Сул һәм Уң яр Украинаны азат итүдә, Львов - Сандомир, Берлин һәм Прагага һөҗүм операцияләрендә катнаша.

1943 елның 24 сентябрендә полковник Былинкин Днепр елгасын кичүгә әзерлекне оста оештыра һәм кичүне тиешенчә үтүне оештыра. Ә 25 сентябрьдә, барлык төр кораллардан явып торган көчле ут астында һәм дошман авиациясенең һавадагы активлыгына карамастан, ике батальон белән Днепр елгасын кичеп чыга, Пушкаревский утравын дошманнан чистартуга һәм Верхнеднепровский районының Пушкаревка авылының бер өлешен яулап алуга ирешә, Днепр елгасының уң ярында алга таба һөҗүм итү өчен кирәкле плацдарм булдыра. Днепр янында һәм елганы кичкәндә барган сугышларда, шулай ук Днепрның уң ярында дошман плацдармын яулап алганда, Василий Былинкин җитәкчелегендәге полк дошман сугышчыларына һәм техникасына зур зыян сала. Алар тарафыннан дошманның 1250 солдаты һәм офицеры, 37 кул һәм танк пулеметы, 4 танк, 16 миномет, 430 га якын автомат һәм винтовка юк ителә.

Василий Игнатьевич Былинкин – гвардия полковнигы, 58 нче гвардия укчы дивизиясе командиры урынбасары.  Бүләкләре: өч Кызыл Байрак ордены, өч Кызыл Йолдыз ордены, I дәрәҗә Ватан сугышы ордены кавалеры, Чехословакия хәрби тәресе, «Праганы азат иткән өчен», «Сугышчан казанышлары өчен», «1941-1945 еллардагы Бөек Ватан сугышында Германияне җиңгән өчен» медальләренә ия.  Советлар Союзы Герое исеменә 1943 елның октябрендә тәкъдим ителә (орден белән бүләкләнә).

Сугыштан соң Мәскәүдә яши һәм хезмәт итә, отставкага 1953 елда чыга. 1966 елның 1 декабрендә вафат була, Мәскәүдә җирләнә.