Ике хөкем ителүче амнистиягә эләккән

автор, 18 июнь 2014 - 04:23

728

7 майда Рәсәйнең җинаять-башкару инспекциясе оешуына 95 ел тулуны билгеләп үтте. Җинаять-башкару инспекциясе хезмәткәрләре хөкем карарларының үтәлешенә контрольлек итә, суд билгеләгән, иректән мәхрүм ителү белән бәйле булмаган җәзалау чараларын - хөкем ителүчеләрнең тәртипләрен һәм төзәлүләрен күзәтә.

2014 елның 5 ае эчендә Яңа Чишмә районы буенча филиал исәпләүләренчә 74 кеше хөкем ителде: 1 кеше иректән мәхрүм ителгән җиргә җибәрелде, 4 кешегә өстәмә вазыйфалар йөкләнде, 4 хөкем ителүчегә сынау срогы озайтылды, берәүгә өстәмә чикләүләр кертелде.

Россия Конституциясе кабул ителүгә 20 ел тулу уңаеннан игълан ителгән амнистиягә безнең районнан хөкем ителгән 2 кеше эләкте. Дәүләт аларны җәза үтүдән азат итте һәм төзәлү юлына басып, тулы канлы тормыш алып бару мөмкинлеге бирде.

Александр МАЙЕР,

Яңа Чишмә җинаять-башкару

инспекциясе начальнигы