Белградтан диплом белән
Тулысынча Интернет аша үткәрелүче һәм аңа нигез салынганнан бирле шундый бердәнбер бәйге саналган Халыкара музыкаль Интернет - конкурс (internet Music Competition) төгәлләнде. Ниһаять без Белградтан (Сербия) күптән көтелгән дипломны алдык.
Конкурста Яңа Чишмәдән Балалар сәнгать мәктәбенә йөрүче Миләүшә Рамазанова (педагог Елена Кузнецова) катнашты. Конкурс нәтиҗәләре буенча "Классик фортепиано. Соло" номинациясендә Миләүшә 3 дәрәҗә лауреат исеме алган.
2013 елгы бәйгегә 1409 заявка бирелгән, 22 илдән 3130 кеше (280 шәһәрдән һәм 411 мәктәптән) катнашкан. Жюрида 13 илдән җыелган 107 музыкант катнашкан, аларның күбесе танылган педагог, музыкант һәм башкаручы, алар абруйлы музыка учреждениеләрендә белем бирәләр, Дөньяның иң әйбәт оркестрларында һәм опера театрларында уйныйлар, җырлыйлар.
Бу проект бик мөһим һәм кирәкле! Шушы бәйге төрле яшьтәге укучыларның уңышларына чагыштырма анализ ясау, үзәктән ерак урнашкан районнарда яшәүчеләргә халыкара конкурста катнашу мөмкинлеге бирү өстенә, репертуарларын да киңәйтә.
-Мин конкурсны оештыручыларга укучымның иҗатын халыкара дәрәҗәдә күрсәтү мөмкинлеге тудырган, яшь музыкантларның башкаруына югары һәм объектив бәя биргәннәре өчен рәхмәтлемен, - дип сөйли БСМ педагогы Елена Кузнецова. -Бу конкурс укучыларга үзләренең башкару осталыкларын ачарга уникаль мөмкинлек бирә, ә педагогларга хезмәттәшләре белән аралашырга, белемнәрен баетырга булышлык итә. Мин ышанам, конкурс әле зур колач алыр, үз тирәсенә яңадан-яңа талантларны җыяр, һөнәри һәм рухи үсеш офыкларын киңәйтер.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев